ভাৰতীয় সেনাৰ বিৰুদ্ধে প্ৰৰোচনামূলক আক্ৰমণৰ অভিযোগ চীনৰ

বেইজিঙে নতুন দিল্লীক অভিযোগ কৰি ভাৰতীয় সেনাই সীমান্তত প্ৰৰোচনামূলকভাৱে আক্ৰমণ কৰা বুলি উল্লেখ কৰে । ভাৰতীয় সেনাই দুবাৰকৈ সীমান্ত উলংঘা কৰি ভিতৰত প্ৰৱেশ কৰে, যাৰ ফলত দুয়ো দেশৰ সেনাৰ মাজত শাৰিৰীক হতা-হতিৰ দৰে ঘটনা সংঘটিত হয় বুলি উল্লেখ কৰে ।

নিউজ ডেস্ক, 16 জুনঃ চীনে চলিত কূটনৈতিক বৈঠকত উল্লেখ কৰে যে, ভাৰতে চীনা সীমান্তত প্ৰৰোচনা মূলকভাৱে চীনৰ সৈন্যক আক্ৰমণ কৰে । আনহাতে দুয়োপক্ষৰ উমৈহতীয়া সহমত চুক্তি গুৰুত্বপূৰ্ণভাৱে ভংগ কৰে । যাৰ ফলত হতা-হতিৰ সৃষ্টি হয় ।

চীনা বিদেশ মন্ত্ৰণালৰ এগৰাকী মুখপাত্ৰই এক সংবাদমেলৰ জৰিয়তে প্ৰকাশ কৰে এই অভিযোগ ।

ভাৰতবৰ্ষৰ বিৰুদ্ধে এই অভিযোগ তুলি দেশখনে প্ৰতিবাদ কৰিব বুলিও উল্লেখ কৰে । আনহাতে ভাৰতীয় সেনাক ভৱিষ্যতে সীমান্ত অতিক্ৰম নকৰিবলৈয়ো কয় ।