অটল বিহাৰী বাজপেয়ীৰ 95 সংখ্যক জন্ম জয়ন্তী উদযাপন

বুধবাৰে অটল বিহাৰী বাজপেয়ীৰ 95 সংখ্যক জন্ম জয়ন্তী ৷ লক্ষ্ণৌত উলহ-মালহেৰে পালন কৰা হয় প্ৰাক্তন প্ৰধানমন্ত্ৰীগৰাকীৰ জন্ম জয়ন্তী ৷

নেশ্যনেল ডেস্ক, 25 ডিচেম্বৰ : বুধবাৰে প্ৰাক্তন প্ৰধানমন্ত্ৰী অটল বিহাৰী বাজপেয়ীৰ 95 সংখ্যক জন্ম জয়ন্তী উপলক্ষে প্ৰতিবছৰৰ দৰে এইবছৰো পালন কৰা হৈছে সু-শাসন দিৱস (Good Governance Day) ৷ উল্লেখ্য যে, প্ৰতিবছৰে বাজপেয়ীৰ জন্মদিনত এই দিৱস পালন কৰা হয় ৷ 2014 চনত নৰেন্দ্ৰ মোডী প্ৰধানমন্ত্ৰী হিচাপে অধিষ্ঠিত হোৱাৰ পাচতে বাজপেয়ীৰ জন্মদিনক সু-শাসন দিৱস হিচাপে পালন কৰাৰ সিদ্ধান্ত গ্ৰহণ কৰা হৈছিল ৷

বুধবাৰে দিল্লীস্থিত বাজপেয়ীৰ সমাধিস্থলত উপস্থিত হৈ জন্ম জয়ন্তী উপলক্ষ্যে সমাধিস্থলত পুষ্পাঞ্জলী অৰ্পন কৰে ৰাষ্ট্ৰপতি ৰামনাথ কোবিন্দ, প্ৰধানমন্ত্ৰী নৰেন্দ্ৰ মোডী, গৃহমন্ত্ৰী অমিত শ্বাহ আৰু বহু বিশিষ্ট ব্যক্তিয়ে ৷ এই অনুষ্ঠানতে উপস্থিত হৈ গীত পৰিৱেশন কৰে গজল সম্ৰাট খ্যাত অনুপ জলোটাই ৷

তেওঁৰ জন্মদিনতে 8.8 কি. মি. দৈঘ্যৰ মানালী আৰু সংযোগী ৰোহটাং পাছৰ সুৰংগটো বাজপেয়ীৰ নামেৰে নামকৰণ কৰা হ'ব ৷ মঙলবাৰে প্ৰধানমন্ত্ৰী নৰেন্দ্ৰ মোডীৰ নেতৃত্বত আয়োজন কৰা কেবিনেটৰ বৈঠকত এই সিদ্ধান্ত গ্ৰহণ কৰা হয় ৷ বুধবাৰে তেওঁৰ জন্মদিনৰ শুভক্ষণতে সুৰংগটোৰ নামকৰণ কৰা হ'ব বুলি চৰকাৰী তথ্যই প্ৰকাশ কৰিছে ৷

ইয়াৰোপৰি,বাজপেয়ীৰ জন্মদিনতে লক্ষ্ণৌত প্ৰধানমন্ত্ৰী মোডীয়ে উদঘাটন কৰিব বাজপেয়ীৰ এটা ব্ৰঞ্জৰ মূৰ্তি ৷ এই দিনটোৰ সৈতে সংগতি ৰাখি 23 ডিচেম্বৰৰ পৰা লক্ষ্ণৌত অনুষ্ঠিত কৰা হৈছে তিনিদিনীয়া সাংস্কৃতিক কাৰ্যসূচী ৷ বুধবাৰে মোডীয়ে অনুষ্ঠানত উপস্থিত হোৱাৰ লগতে লোক ভৱনত বাজপেয়ীৰ মূৰ্তি উদঘাটন কৰিব ৷

আৰু পঢ়ক : CAAৰ বিৰুদ্ধে পণ্ডিচেৰী বিশ্ববিদ্যালয়ৰ ছাত্ৰীৰ অভিনৱ প্ৰতিবাদ