পথ দুৰ্ঘটনাত নিঃশেষ এটা পৰিয়াল

পৰিয়ালৰ দুগৰাকী সদস্যক চেন্নাই অভিমুখী বিমানত উঠাবলৈ পুৱা বিমানবন্দৰলৈ আহি থকা অৱস্থাত সংঘটিত হয় এই ঘটনা ৷

কৰ্ণাটক, 27 মে’: বেংগালুৰুত শোকাৱহ পথ দুৰ্ঘটনা ৷ বিমানবন্দৰ অভিমুখী পথেৰে আহি থকা অৱস্থাত সংঘটিত পথ দুৰ্ঘটনাত প্ৰাণ গ’ল একেটা পৰিয়ালৰে পাঁচগৰাকী সদস্য ৷ সোমবাৰে পুৱা চাৰে তিনি বজাত সংঘটিত হয় এই দুৰ্ঘটনা ৷ ঘটনাস্থলীত আৰক্ষী উপস্থিত হৈ ইতিমধ্যে চিনাক্ত কৰিছে নিহত লোককেইজনক ৷ নিহতসকল হৈছে ক্ৰমে, দীপক দে (46), স্বাগথা চৌধুৰী (42), সুজয় (45), জয়থী (65) আৰু ধ্ৰুৱ দে (14) ৷

পৰিয়ালৰ দুগৰাকী সদস্য সুজয় আৰু সুভাষক চেন্নাইলৈ অভিমুখী বিমানত উঠাবলৈ আনি থকা অৱস্থাতে সংঘটিত হয় এই শোকাৱহ দুৰ্ঘটনা ৷ নিহত লোককেইজন পশ্চিম বংগৰ যদিও বেগালুৰুত কৰ্মসূত্ৰে সংস্থাপিত হৈ আছিল ৷