নিউজ ডেস্ক, 29 নৱেম্বৰ: ওড়িশাৰ পুৰীৰ জগন্নাথ মন্দিৰৰ আভ্যন্তৰৰ এটা ভিডিঅ’ আৰু ফটো ছ’চিয়েল মিডিয়াত ভাইৰেল কৰি গ্ৰেপ্তাৰ হ’ল বাংলাদেশী যুৱক (Bangladeshi Youth Arrested) ৷ ফটো-ভিডিঅ’ ভাইৰেল হোৱাৰ প্ৰায় এসপ্তাহৰ পাছতে এই কাণ্ডৰ বাবে বাংলাদেশী যুৱকজনক গ্ৰেপ্তাৰ কৰা হয় ৷ দ্বাদশ শতিকাৰ এই মন্দিৰটোৰ নিৰাপত্তাক লৈ গুৰুতৰ প্ৰশ্ন উত্থাপন হৈছে এই ফটো-ভিডিঅ’ ভাইৰেলৰ পাচত (pictures of sanctum sanctorum of Jagannath Temple) ।
তথ্য অনুসৰি, বাংলাদেশৰ চিলেট জিলাৰ জিন্দাবজাৰৰ আকাশ চৌধুৰী (২৩) নামৰ যুৱকজনক সিংহদ্বাৰ আৰক্ষীয়ে গ্ৰেপ্তাৰ কৰিছে । অভিযুক্তৰ পৰা এটা মোবাইল ফোন আৰু বাংলাদেশী পাছপ’ৰ্ট জব্দ কৰিছে আৰক্ষীয়ে । অধিক তথ্যৰ বাবে যুৱকজনক জেৰা কৰি থকা হৈছে । জগন্নাথ মন্দিৰৰ ভিতৰত ফটো তুলি ফেচবুক একাউণ্টত শ্বেয়াৰ কৰাৰ অপৰাধত গ্ৰেপ্তাৰ হয় যুৱকজন ।