KIA ইণ্ডিয়াই ভাৰতীয় বজাৰত মুকলি কৰিলে দুখনকৈ আকৰ্ষণীয় গাড়ী - Kia india launched two cars

Kia Carnival and EV9 launched: KIA ইণ্ডিয়াই ভাৰতৰ বজাৰত একেলগে মুকলি কৰিছে দুখনকৈ গাড়ী । এখন পেট্ৰ’ল-জিজেল চালিত হোৱাৰ বিপৰীতে আনখন ইলেক্ট্ৰিক ৷

নিউজ ডেস্ক, 4 অক্টোবৰ:গাড়ী নিৰ্মাতা কোম্পানী KIA ইণ্ডিয়াই একেলগে দুখন গাড়ী ভাৰতৰ বজাৰত মুকলি কৰিছে । ইয়াৰে প্ৰথমখন হৈছে Kia Carnival, যিখন ice গাড়ী আৰু দ্বিতীয়খন হৈছে Kia EV9, যিখন ইলেক্ট্ৰিক গাড়ী । Kia Carnival premium MPV হোৱাৰ বিপৰীতে Kia EV9 হৈছে তিনি শাৰীৰ আসনযুক্ত সম্পূৰ্ণ ইলেক্ট্ৰিক SUV । গতিকে এই দুয়োটাৰে দাম কিমান আৰু ইয়াত কি কি বৈশিষ্ট্য দিয়া হৈছে জানো আহক---

Kia Carnival MPV

Kia India ই নতুন প্ৰজন্মৰ Kia Carnival MPVৰ আৰম্ভণিৰ মূল্য 63.90 লাখ টকা (এক্স শ্ব’ৰুম) নিৰ্ধাৰণ কৰিছে । গ্ৰাহকে এই মডেলটো দুটা ভিন্নতাত বুকিং কৰিব পাৰে - লিমুজিন আৰু লিমুজিন প্লাছ, যাৰ ডেলিভাৰী অনাগত মাহৰ পৰা আৰম্ভ হ’ব । Kia EV9 ৰ সৈতে মুকলি কৰা Kia Carnival MPV সম্পূৰ্ণৰূপে কোম্পানীটোৰ বৈশিষ্ট্যৰে ভৰপূৰ ।

ইয়াত উপলব্ধ বৈশিষ্ট্যসমূহৰ বিষয়ে ক’বলৈ গ’লে ইয়াত ডুৱেল চিংগল-পেন ইলেক্ট্ৰিক ছানৰুফ, ইনফ’টেইনমেণ্ট আৰু ইনষ্ট্ৰুমেণ্ট পেনেলৰ বাবে টুইন 12.3 ইঞ্চিৰ ডিছপ্লে’, পাৱাৰ আৰু ভেণ্টিলেটেড ফ্ৰন্ট চিট, পাৱাৰযুক্ত পিছফালৰ দুৱাৰ, ব্লাইণ্ড স্পট মনিটৰৰ সৈতে 360 ডিগ্ৰী চাৰউণ্ড কেমেৰা, থ্ৰী-জ'ন ক্লাইমেট কণ্ট্ৰ'ল, 12-স্পীকাৰ প্ৰিমিয়াম মিউজিক চিষ্টেম আৰু লেভেল-2 এডিএএছ ছুইট আছে ।

Kia Carnival ৰ ভিতৰভাগ (Kia India)

নতুন Kia Carnival ৰ বাহিৰৰ অংশৰ কথা ক’বলৈ গ’লে ইয়াৰ মূল আকৰ্ষণ হৈছে নতুন গ্ৰীলৰ সৈতে নতুন ফ্ৰন্ট ফেচিয়া । ইয়াৰ উপৰিও ইয়াত উলম্বভাৱে ষ্টেক কৰা এল ই ডি হেডলেম্প, ওলোটা এল আকৃতিৰ এল ই ডি ডি আৰ এল, কনট্ৰাষ্টিং ৰঙৰ স্কিড প্লেট, টেইলগেটত এল ই ডি লাইট বাৰ, নতুন এলয় হুইল, নতুন ছাদৰ ৰেল আৰু শ্বাৰ্ক ফিন এন্টেনা অন্তৰ্ভুক্ত কৰা হৈছে ।

Kia Carnival (Photo - Kia India (Kia India)

ইঞ্জিনৰ কথা ক’বলৈ গ’লে ইয়াত মাত্ৰ এটা 2.2 লিটাৰৰ ডিজেল ইঞ্জিন আছে, যিটো 8 স্পীড অটোমেটিক গিয়াৰবক্সৰ সৈতে সংযুক্ত কৰা হৈছে । এই ইঞ্জিনে 197 bhp শক্তি আৰু 440 Nm শীৰ্ষ টৰ্ক উৎপন্ন কৰে, যাৰ শক্তি পিছফালৰ চকালৈ প্ৰেৰণ কৰা হয় । বিশেষ কথাটো হ’ল অটো নিৰ্মাতা কোম্পানীটোৱে ইতিমধ্যে দেশত কাৰ্নিভাল এমপিভিৰ2,796 ৰো অধিক বুকিং পঞ্জীয়ন কৰিছে ।

ভাৰতীয় বজাৰত মুকলি Kia Ev9

Kia EV9 ৰ কথা ক’বলৈ গ’লে কোম্পানীয়ে এই গাড়ীখন মাত্ৰ এটা জিটি লাইন ভেৰিয়েণ্টৰ সৈতে মুকলি কৰিছে, যাৰ মূল্য 1.3 কোটি টকা (এক্স-শ্ব’ৰুম) । ইয়াক লিজিং বিকল্পৰ সৈতে ক্ৰয় কৰিব পাৰি । Kia EV9 হৈছে গাড়ী নিৰ্মাতা কোম্পানীটোৰ ফ্লেগশ্বিপ তিনি শাৰীৰ সম্পূৰ্ণ ইলেক্ট্ৰিক এছ ইউ ভি, যি ই-জিএমপি প্লেটফৰ্মৰ ওপৰত ভিত্তি কৰি নিৰ্মাণ কৰা হৈছে ।

Kia EV9 (Kia India)

ইয়াত ব্লেংকড-অফ গ্ৰীলৰ সৈতে তীক্ষ্ণ ফেচিয়া আৰু ইন্টিগ্ৰেটেড এল ই ডি ডি আৰ এলৰ সৈতে উলম্ব এল ই ডি হেডলাইট পোৱা যায় । এল ই ডি টেইললাইটসমূহেও একে ধৰণৰ ডিজাইন লাভ কৰে আৰু এছ ইউ ভিত ফ্লাছ-ফিটিং দুৱাৰৰ হেণ্ডেল, স্কোৱাৰ অফ হুইল আৰ্চ আৰু 20 ইঞ্চিৰ চকা পোৱা যায় ।

Kia EV9 (Kia India)

ইণ্টেৰিয়ৰৰ কথা ক’বলৈ গ’লে এই Kia EV9 ত তিনিটা শাৰীৰ আসন আছে আৰু ডেচব’ৰ্ডৰ ডিজাইন অতি পৰিষ্কাৰ । ইয়াৰ উপৰিও ইয়াত 4 স্পক ষ্টিয়াৰিং হুইল, ডিজিটেল ইনষ্ট্ৰুমেণ্ট ক্লাষ্টাৰ আৰু টাচস্ক্ৰীণ ইনফ’টেইনমেণ্ট চিষ্টেম একেলগে ৰখাৰ বাবে বহল স্ক্ৰীণ আছে । কোম্পানীয়ে এই এছ ইউ ভিত 27 টা শেহতীয়া অটোন’মাছ ড্ৰাইভিং-এচিষ্ট ফিচাৰৰ সৈতে ADAS ছুইট প্ৰদান কৰিছে ।

Kia EV9 (Kia India)

ভাৰতত EV9 GT-Line হৈছে এটা লং ৰেঞ্জ ভেৰিয়েন্ট যিয়ে 99.8kWh বেটাৰীৰ সৈতে আহে যিয়ে গাড়ীখনক 561 কিলোমিটাৰ ৰেঞ্জ দিয়ে । ডুৱেল মটৰ ছেটআপৰ বাবে মডেলটোৱে 379 বিএইচপি শক্তি আৰু 700 এনএম পিক টৰ্ক প্ৰদান কৰে । ইয়াক 350 কিলোৱাট ঘণ্টাৰ ডিচি চাৰ্জাৰ ব্যৱহাৰ কৰি মাত্ৰ 24 মিনিটত 0-80 শতাংশ পৰ্যন্ত চাৰ্জ কৰিব পাৰি ।

লগতে পঢ়ক:Mahindra Thar Roxx ৰ প্ৰতি সঁহাৰিত অভিভূত অধ্যক্ষ আনন্দ মহিন্দ্ৰা - Mahindra Thar ROXX booking