ওদালগুৰি, ৯ ছেপ্টেম্বৰ:চৰকাৰ আহে আৰু যায় । নিৰ্দিষ্ট সময়ত চৰকাৰৰ কাৰ্যকালৰ অন্ত পৰে । প্ৰতিখন চৰকাৰ আহিলেই ৰাইজে আশা কৰে তেওঁলোকৰ সমস্য়াৰ অন্ত পৰিব । পিছে বহুতো অঞ্চলৰ ৰাইজৰ সমস্য়াবোৰৰ নহয় সমাধান । ৰাজ্য়ৰ আন বহুতো ঠাইৰ দৰে ওদালগুৰি জিলাৰ কলাইগাঁও সমষ্টিৰ অন্তৰ্গত নামা খৈৰাবাৰী অঞ্চলটোক আজিও ঢুকি পোৱা নাই চৰকাৰী আঁচনিয়ে । ফলত নৰক যন্ত্ৰনাৰে দিন অতিবাহিত কৰিবলগীয়া হৈছে অঞ্চলটোৰ ৰাইজে ।
- চৰকাৰখনৰ উন্নয়নৰ নমুনা :
কলাইগাঁৱত উদঙাইছে বিজেপি শাসনাধিষ্ঠ চৰকাৰখনৰ উন্নয়নৰ নমুনা । এখন দলঙৰ অভাৱত বছৰ বছৰ ধৰি কলৰ ভূৰেৰে নদী পাৰ হৈ আহিছে কণ কণ ছাত্ৰ-ছাত্ৰী আৰু শিক্ষাগুৰুৰ লগতে নামা খৈৰাবাৰীৰ ৰাইজে । মৰণত শৰণ দি শিক্ষাগ্ৰহণ কৰিবলগীয়া হৈছে কণ কণ ছাত্ৰ-ছাত্ৰীয়ে । যাতায়তৰ ক্ষেত্ৰত যমৰ যন্ত্ৰনা ভুগি আহিছে ছাত্ৰ-ছাত্ৰী তথা গাঁওবাসীয়ে ।
ছাত্ৰ-ছাত্ৰীৰ লগতে বিদ্যালয়ৰ শিক্ষক-শিক্ষয়ত্ৰীয়ে ভূৰেৰে দৈনিক বিপদসংকুলভাৱে পাৰাপাৰ হৈ আহিছে । বাৰিষা বিপদসংকুলভাৱে ছাত্ৰ-ছাত্ৰীয়ে বিদ্যালয়লৈ ভূৰেৰে যাতায়াত কৰিবলগীয়া হোৱাত ভীষণ সমস্যাৰ সন্মুখীন হৈ আহিছে । ইয়াৰ পিছতো যেন চৰকাৰৰ নাই কাণসাৰ । ৰাইজৰ অভিযোগ অনুসৰি বছৰ বছৰ ধৰি এই সমস্যাৰ প্ৰতি কোনো গুৰুত্বই নিদিলে জনপ্ৰতিনিধিসকলে ।
বৰ্তমানেও অঞ্চলটোৰ ৰাইজৰ জ্বলন্ত সমস্যা হিচাপে চিহ্নিত হৈছে এখন দলং । এখন দলং নিৰ্মাণৰ বাবে বি টি আৰৰ কাৰ্যবাহী সদস্য দিগন্ত বৰুৱা তথা কলাইগাঁও সমষ্টিৰ বিধায়ক দুৰ্গাদাস বড়োক বহু আবেদন-নিবেদন কৰিছিল যদিও এতিয়ালৈ কোনো সুফল নাপালে বিদ্যালয়খনৰ কৰ্তৃপক্ষ তথা গাওঁবাসীয়ে ।
- কাৰ্যবাহী সদস্যৰ বিৰুদ্ধে ক্ষোভ :