বন্ধ আৰু উৎসৱৰ বতৰ আৰম্ভ হৈছে, গতিকে যদি আপুনি এই সময়ছোৱাত ক’ৰবালৈ ভ্ৰমণৰ বাবে পৰিকল্পনা কৰিছে, তেন্তে এই খবৰটো আপোনাৰ বাবে ৷ দৰাচলতে ভাৰতৰ অন্যতম পুৰণি ঐতিহ্যমণ্ডিত ৰে’ল ‘পেলেচ অন হুইলছ’ৰ ঋতুভিত্তিক ভ্ৰমণ আৰম্ভ হৈছে ৷ এই ৰাজকীয় ৰে’লখনে যাত্ৰীসকলক এক অবিস্মৰণীয় অভিজ্ঞতা প্ৰদান কৰে ৷ এইবাৰ পেলেচ অন হুইলছক ৰাজকীয় ধৰণেৰে সজাই তোলা হৈছে ৷
এই ৰাজকীয় ৰে’লখন সজোৱাৰ বাবে কোটি টকা খৰচ কৰা হৈছে, যাতে যাত্ৰীসকলে ইয়াৰ যাত্ৰা সদায় মনত ৰাখে ৷ এতিয়া পেলেচ অন হুইলছ ৰে’লখন পূৰ্বৰ তুলনাত অধিক ৰাজকীয় কৰি তোলা হৈছে ৷ যিখন ৰে’লত মানুহে প্ৰতি বছৰে যাত্ৰা কৰিবলৈ আগ্ৰহেৰে অপেক্ষা কৰি থাকে ৷
নতুন দিল্লীৰ সফদৰজং ৰে’লৱে ষ্টেচনৰ পৰা হ’ল আৰম্ভণি
চলিত বৰ্ষৰ ২৫ ছেপ্টেম্বৰৰ পৰা আৰম্ভ হৈছে ৰাজস্থানৰ আটাইতকৈ ৰাজকীয় ৰে’ল পেলেচ অন হুইলছৰ যাত্ৰা উত্তৰ প্ৰদেশ ৷ উল্লেখ্য যে, নতুন দিল্লী ছফদাৰজং ৰে’লৱে ষ্টেচনৰ পৰা এই ৰে’লখনে ঋতুভিত্তিক যাত্ৰা আৰম্ভ কৰিছে ৷ ৰে’লখনত থকা যাত্ৰীসকলে জয়পুৰ, জয়ছলমেৰ, যোধপুৰ, উদয়পুৰ, ভাৰতপুৰ, আগ্ৰাকে ধৰি একাধিক গন্তব্যস্থানলৈ যাত্ৰা কৰিব আৰু তাৰ পিছত এই ৰে’লখনে নিজৰ বেচ ষ্টেচন দিল্লীলৈ উভতি যাব ৷
টিকট
ভাৰতীয় ৰে’লৱেৰ ফ্লেগশ্বিপ ৰে’ল পেলেচ অন হুইলছৰ টিকটৰ মূল্য ঋতুভিত্তিক চাহিদা আৰু শ্ৰেণীৰ ওপৰত ভিত্তি কৰি ৰখা হৈছে ৷ অক্টোবৰৰ পৰা মাৰ্চলৈকে শীৰ্ষ ছিজনত প্ৰেচিডেন্সিয়েল ছুইটৰ টিকটৰ প্ৰতি নিশাৰ মূল্য ২,৯১,৩৩০ টকা (প্ৰতি কেবিন) হোৱাৰ বিপৰীতে একক দখলৰ বাবে (প্ৰতি যাত্ৰী) ১,২৪,৫৮৩ টকা ৷ দুজন ব্যক্তিৰ (প্ৰতিজন ব্যক্তিৰ) ভাড়া ৮১,০০৮ টকা ৷
বিলাসী কেবিন
এই ৰে’লখনত ১৪টা বিলাসী ডিলাক্স ডবা আছে, প্ৰত্যেকখনকে পূৰ্বৰ ৰাজপুত ৰাজ্যৰ নামেৰে নামাকৰণ কৰা হৈছে আৰু অঞ্চলটোৰ সাংস্কৃতিক ঐতিহ্যক প্ৰতিফলিত কৰিবলৈ সজাই তোলা হৈছে ৷ এই কেবিনসমূহত এয়াৰ কণ্ডিচনাৰ, ৱাই-ফাই, সংলগ্ন বাথৰুম আৰু চহকী পৰম্পৰাগত অভ্যন্তৰীণ অংশৰ দৰে আধুনিক সুবিধাসমূহ আছে ৷ প্ৰতিটো কেবিনত ৰিগেল ডেকোৰ আছে, য'ত আছে মাৰ্জিত আচবাব, ৰেচমী পৰ্দা আৰু প্ৰিমিয়াম বেডিং ৷
দুখন ৰেষ্টুৰেণ্ট