নিউজ ডেস্ক, ৪ ছেপ্টেম্বৰ : অন্ধ্ৰপ্ৰদেশ আৰু তেলেংগানাত ধাৰাসাৰ বৰষুণৰ ফলত হোৱা বানে সৃষ্টি কৰিছে বিভীষিকা ৷ বানত ক্ষতিগ্ৰস্ত হৈছে লক্ষাধিক পৰিয়াল ৷ 35 গৰাকী লোকৰ এইপৰ্যন্ত মৃত্যু হৈছে ৷
বানত ক্ষতিগ্ৰস্তৰে মোকাবিলা কৰিবৰ বাবে ৰামোজী গ্ৰুপে আগবঢ়াইছে ৫ কোটি টকাৰ আৰ্থিক সাহাৰ্য ৷ তেলুগু ৰাজ্য দুখনক বানপীড়িতসকলৰ বাবে ৰাইজৰ পৰাও অনুদানৰ আহ্বান জনাইছে ৰামোজী গ্ৰুপে ৷ ঈনাডু সাহাৰ্য পুঁজিৰ জৰিয়তে ৰামোজী গ্ৰুপে তেলুগু ৰাজ্য অন্ধ্ৰ প্ৰদেশ আৰু তেলেংগানাত প্ৰলয়ংকৰী বানত ক্ষতিগ্ৰস্তসকলক সহায় কৰাৰ বাবে এই আৰ্থিক সাহাৰ্য আগবঢ়াইছে ৷
উল্লেখ্য যে শেহতীয়াকৈ ৰাজ্য দুখনত হোৱা আকস্মিক বানে ধ্বংসযজ্ঞ অব্যাহত ৰাখিছে ৷ ঘৰ, জীৱিকা আৰু হাজাৰ হাজাৰ লোকৰ জীৱনলৈ সংকট নমাই আনিছে এই বানে ৷ ৰুষ্ট প্ৰকৃতিয়ে জলমগ্ন কৰিছে বহু অঞ্চল, ভেটি হেৰুৱাবলগীয়া হৈছে বহু পৰিয়ালে ৷ এই সংকটৰ সময়ত বানবিধ্বস্ত ৰাজ্য দুখনৰ জনতাৰ কান্দোন শুনি আগবাঢ়ি আহিছে ৰামোজী গ্ৰুপ ৷
ঈনাডু সাহাৰ্য পুঁজিৰ জৰিয়তে তাৎক্ষণিক উদ্ধাৰ অভিযানত সহায় কৰাৰ লগতে আৰু ক্ষতিগ্ৰস্ত লোকসকলৰ পুনৰ্সংস্থাপনৰ বাবে আৰ্থিক সাহাৰ্যৰ আহ্বান কৰিছে ৰামোজী গ্ৰুপে ৷ ৰামোজী গ্ৰুপে প্ৰতিশ্ৰুতি প্ৰদান কৰিছে যে এই সংগৃহিত পুঁজি বানৰ দ্বাৰা প্ৰভাৱিত এলেকাবোৰ কাষ পাবগৈ ৷
প্ৰতিজনগৰাকী লোক আৰু সংগঠনক এই মানৱীয় প্ৰচেষ্টাত ৰামোজী গ্ৰুপৰ সৈতে হাত মিলাবলৈ আন্তৰিকতাৰে অনুৰোধ জনাইছে ৷ ঈনাডু ৰিলিফ ফাণ্ডলৈ উদাৰ অৱদানে জীৱন পুনৰুদ্ধাৰ, ঘৰ পুনৰ নিৰ্মাণ আৰু সৰ্বস্ব হেৰুওৱা লোকসকলৰ সপোন পুনৰ জাগ্ৰত কৰাত সহায় কৰিব বুলি আশা প্ৰকাশ কৰা হৈছে ৷
তলত উল্লেখ কৰা বেংক একাউণ্টলৈ অনুদান প্ৰেৰণ কৰিব পাৰিব :
Eenadu Relief Fund