నాలుగేళ్ల చిన్నారిపై పెద్దనాన్న అత్యాచారం

జయశంకర్​ భూపాలపల్లి జిల్లాలో అమానుషం చోటుచేసుకుంది. నాలుగేళ్ల చిన్నారిపై సొంత పెద్దనాన్నే అత్యాచారం చేశాడు. కేసు నమోదు చేసిన పోలీసులు దర్యాప్తు చేస్తున్నారు.

జయశంకర్ భూపాలపల్లి జిల్లా మహా ముత్తారం మండలంలోని ఓ గ్రామానికి చెందిన నాలుగేళ్ల బాలికపై భూపాలపల్లి మండలం నాగారం గ్రామానికి చెందిన రాచ కొమురయ్య అనే వ్యక్తి అత్యాచారానికి పాల్పడినట్లు పోలీసులు తెలిపారు. అయితే కొమురయ్య స్వయానా బాలికకు పెదనాన్న అవుతాడని పేర్కొన్నారు. నిందితుడి తమ్ముడు చిన్నారి తల్లితో సహజీవనం చేయగా ఈ బాలిక జన్మించింది.

తల్లితో పాటు నిద్రిస్తున్న బాలికను గుట్టుచప్పుడు కాకుండా తీసుకెళ్లి అటవీ ప్రాంతంలో అత్యాచారం చేసినట్లు ఫిర్యాదు అందగా కేసు నమోదు చేసి దర్యాప్తు చేస్తున్నట్లు పోలీసులు తెలిపారు. నిర్ధరణ పరీక్షల నిమిత్తం చిన్నారిని వరంగల్​లోని ఎంజీఎం ఆస్పత్రికి తరలించారన్నారు.

ఇవీ చూడండి:ప్రాణం పోసే అంబులెన్సే.. ప్రాణం తీసింది!