తాగుడికి బానిసై... భార్యను కడతేర్చిన భర్త

జీవితాంతం తోడుగా నిలవాల్సిన భర్త... ఆమె పాలిట యముడయ్యాడు. తాగుడికి బానిసై... క్షణికావేశంలో కట్టుకున్న భార్యనే... గొంతు నులిమి చంపేశాడో కర్కశ భర్త. ఈ ఘటన జయశంకర్​ భూపాలపల్లి జిల్లాలోని పోచంపల్లి గ్రామంలో చోటుచేసుకుంది.

జయశంకర్​ భూపాలపల్లి జిల్లా రేగొండ మండలం పోచంపల్లి గ్రామంలో దారుణం చోటుచేసుకుంది. భర్త సదయ్య... తన భార్య లత(32)ను గొంతు నులిమి హతమార్చి... పారిపోయాడు.

మృతురాలి తల్లిదండ్రుల ఫిర్యాదు మేరకు ఘటన స్థలికి చేరుకున్న భూపాలపల్లి డీఎస్పీ సంపత్​రావు, సీఐ సాయిరమణ, ఎస్సై కృష్ణప్రసాద్​, పోలీస్​ సిబ్బంది చేరుకుని విచారణ చేపట్టారు.

తాగుడుకు బానిసై.. నిత్యం భార్యాపిల్లల్ని కొట్టేవారని విచారణలో తేలింది. భార్యను చంపి పరారైన నిందితుడినిరేగొండ పోలీసులు అదుపులోకి తీసుకున్నారు. లత మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు.

ఇవీ చూడండి : రాష్ట్రవ్యాప్తంగా 36 ఫాస్ట్​ట్రాక్​ కోర్టులు ఏర్పాటు