అమెరికా సైనిక స్థావరాలపై తాము పెద్ద ఎత్తున క్షిపణి దాడులు చేసి... జనరల్ సులేమానిని హత్య చేసిన అమెరికాను చెంపదెబ్బ కొట్టామని ఇరాన్ సుప్రీం నేత అయతొల్లా అలీ ఖమేనీ వ్యాఖ్యానించారు. ఇరాన్లో అమెరికా ఉనికిని అంతం చేయడమే తమ కర్తవ్యమని ఆయన స్పష్టం చేశారు. దేశ అధికారిక టీవీ ఛానల్ లైవ్లో మాట్లాడుతూ ఆయన ఈ వ్యాఖ్యలు చేశారు.
పగ తీర్చుకుంటాం..
ఇరాన్ 'కుర్ద్ఫోర్స్' అధిపతి జనరల్ సులేమానిని ఇరాక్లోని బాగ్దాద్ విమానాశ్రయం సమీపంలో అమెరికా హతమార్చింది. ఇరాన్ సుప్రీం నేత ఖమేనీ.. అమెరికాపై ప్రతీకారం తీర్చుకుంటామని ప్రతిజ్ఞ చేశారు. అన్నట్లుగానే నిన్న అర్ధరాత్రి దాటిన తరువాత.. ఇరాన్లోని అమెరికా సైనిక స్థావరాలపై పెద్ద ఎత్తున క్షిపణి దాడులు చేయించారు. ఈ దాడిలో సుమారు 80 మంది అమెరికన్ సైనికులు ప్రాణాలు కోల్పోయినట్లు తెలుస్తోంది.
ఇదీ చూడండి: అమెరికాతో భారత్ రాయబారానికి ఇరాన్ సై
