దేశీయ స్టాక్మార్కెట్ల ఇవాళ నష్టాలతో ప్రారంభమయ్యాయి. మదుపరులు లాభాల స్వీకరణకు మొగ్గుచూపడమే ఇందుకు కారణంగా కనిపిస్తోంది. ఆసియా మార్కెట్లు కూడా నష్టాల్లో కొనసాగుతున్నాయి. అమెరికా దిగుమతులపై సుంకాలు తగ్గిస్తామన్న చైనా ప్రకటనతో వాల్స్ట్రీట్ కళకళలాడింది.
బొంబాయి స్టాక్ ఎక్స్ఛేంజి సూచీ సెన్సెక్స్ 91 పాయింట్లు కోల్పోయి 41 వేల 214 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 26 పాయింట్లు క్షీణించి 12 వేల 112 వద్ద ట్రేడవుతోంది.
లాభనష్టాల్లో
ఎన్టీపీసీ, హీరోమోటోకార్ప్, జీ ఎంటర్టైన్మెంట్, యూపీఎల్, టైటాన్ కంపెనీ, హెచ్సీఎల్ టెక్, ఐటీసీ రాణిస్తున్నాయి.
టాటా మోటార్స్, టాటాస్టీల్, పవర్గ్రిడ్ కార్ప్, లార్సెన్ అండ్ టుబ్రో, ఎస్బీఐ నష్టాల్లో ఉన్నాయి.
ఆసియా మార్కెట్లు
ఆసియా మార్కెట్లు నిక్కీ, కోస్పీ, షాంగై కాంపోజిట్, హాంగ్సెంగ్ నష్టాల్లో ట్రేడవుతున్నాయి.
కీలకరేట్లు యథాతథం
ఆర్బీఐ ద్రవ్యపరపతి విధాన సమీక్షలో రెపోరేటును 5.15 శాతం యథాతథంగా ఉంచింది. అయితే వృద్ధి పునరుద్ధరణకు ఊతమిస్తామని పేర్కొంది. వచ్చే ఆర్థిక సంవత్సరం జీడీపీ వృద్ధి 6 శాతంగా ఉంటుందని అంచనా వేసింది. ఈ ప్రకటనతో నిన్న స్టాక్మార్కెట్లు రాణించాయి.
రూపాయి
రూపాయి విలువ 9 పైసలు తగ్గి, ప్రస్తుతం ఒక డాలరుకు రూ.71.27గా ఉంది.
ముడిచమురు
అంతర్జాతీయ మార్కెట్లో ముడిచమురు ధర 0.33 శాతం పెరిగింది. ప్రస్తుతం బ్యారెల్ ధర 55.30 డాలర్లుగా ఉంది.
ఇదీ చూడండి: పీఎస్బీల విలీనం ఓ ఛాలెంజ్‌: ఎస్బీఐ ఛైర్మన్‌
