భారతదేశంలో చిన్న, మధ్యతరహా వ్యాపారాలను డిజిటలైజ్ చేయడం కోసం 1 బిలియన్ డాలర్లు (సుమారు రూ.7,000 కోట్లు) పెట్టుబడి పెట్టనున్నట్లు అమెజాన్ సీఈఓ జెఫ్ బెజోస్ తెలిపారు.
2025 నాటికి 10 బిలియన్ డాలర్ల విలువైన మేక్ ఇన్ ఇండియా వస్తువులను ఎగుమతి చేయడానికి కంపెనీ నిశ్చయించిందని స్పష్టం చేశారు బెజోస్. ఇందుకు ప్రపంచవ్యాప్తంగా తమకున్న వ్యాపార అనుభవం ఉపయోగపడుతుందని అభిప్రాయపడ్డారు.
దిల్లీలో నిర్వహించిన అమెజాన్ ఎస్ఎమ్భవ్ సదస్సులో బెజోస్ పాల్గొన్నారు. భారత్లోని చిన్న, మధ్యతరహా వ్యాపారాలకు ఎలా సాంకేతికతను అనుసంధానం చేయాలనే అంశంపై ఈ సదస్సు దృష్టిసారించనుందని పేర్కొన్నారు.
భారత్లో పర్యటిస్తున్న బెజోస్... 21వ శతాబ్దంలో భారత్-అమెరికా కూటమి అత్యంత ముఖ్యమన్నారు. ఈ వారం రోజుల్లో ఆయన ప్రభుత్వ పెద్దలతో, వ్యాపారులతో, ఎస్ఎంబీలతో సమావేశమయ్యే అవకాశం ఉంది.
నిరసనలకు సన్నద్ధం
బెజోస్ భారత్లో ఉన్న సమయంలోనే... దేశవ్యాప్తంగా నిరసన కార్యక్రమాలు నిర్వహించాలని కాన్ఫెడరేషన్ ఆఫ్ ఆల్ ఇండియా ట్రేడర్స్ (సీఐఐటీ) కింద ఉన్న వేలాది చిన్న తరహా వ్యాపార యూనియన్లు యోచిస్తున్నాయి.
ఇదీ చూడండి: బంపర్ ఆఫర్: రెడ్మీ కే20పై భారీ తగ్గింపు
