చైనా స్మార్ట్ఫోన్ దిగ్గజం షియోమీ తన రెడ్మీ కే20ని ఇప్పుడు కేవలం రూ.17,999లకే అందిస్తోంది. రియల్మీ ఎక్స్2తో పోల్చితే దీనిలో ప్రకాశవంతమైన అమోలెడ్ స్క్రీన్, ఆప్టిమైజ్డ్ ఎంఐయూఐ 10 సాఫ్ట్వేర్, మంచి కెమెరాలు, అద్భుతమైన డిజైన్ ఉన్నాయి.
రూ.22,999 ప్రారంభ ధరతో భారత్లో విడుదలైన రెడ్మీ కే20... ఉత్తమమైన మిడ్ రేంజ్ స్మార్ట్ఫోన్లలో ఒకటి.
మొదటిసారిగా భారీ తగ్గింపు
షియోమీ తొలిసారి తన రెడ్మీ కే20 (6జీబీ+64జీబీ) మోడల్ ధరను రూ.17,999కు తగ్గించింది. కాగా 6జీబీ+128జీబీ మోడల్ రిటైల్ ధరను రూ.20,999గా ఉంచింది.
రెడ్మీ కే20 ప్రో ఫోన్లు ప్రస్తుతం డిస్కౌంట్ ధరల్లో లభిస్తున్నాయి. 6జీబీ+128జీబీ మోడల్ రూ.22,999కు, 8జీబీ+256జీబీ మోడల్ రూ.25,999 వద్ద లభిస్తున్నాయి. ఈ ఆఫర్ జనవరి 17 వరకు మాత్రమే అందుబాటులో ఉంది.
రెడ్మీ కే20 కొనొచ్చా?
రెడ్మీ కే30 వచ్చే నెలలో భారత మార్కెట్లోకి రావడానికి సిద్ధంగా ఉంది. ఈ నేపథ్యంలోనే షియోమీ రెడ్మీ కే20ని డిస్కౌంట్ ధరలకు అందిస్తోంది. రూ.17,999 ధర వద్ద ఈ స్మార్ట్ఫోన్ మంచి డీల్ అవుతుంది అనడంలో సందేహం లేదు.
ఎస్బీఐ క్రెడిట్కార్డ్ వినియోగదారులు ఎమ్ఐ.కామ్లో జనవరి 17లోపు ఈ స్మార్ట్ఫోన్ కొంటే రూ.2000 వరకు అదనంగా మినహాయింపు పొందవచ్చు.
అదిరిపోయే ఫీచర్లు
రెడ్మీ 20కి... రెడ్మీ 20 ప్రోతో పోల్చితే కేవలం మూడు విషయాల్లోనే భిన్నంగా ఉంటుంది.
రెడ్మీ కే20లో : అమోలెడ్ స్క్రీన్, ఇన్ డిస్ప్లై ఫింగర్ప్రింట్ సెన్సార్ ఉన్నాయి.
రెడ్మీ కే20 ప్రోలో : 19.5:9 యాస్పెక్ట రేషియో, 1080X2340 పిక్సెల్ రిజల్యూషన్తో 6.39 అంగుళాల సూపర్ అమోలెడ్ ఫుల్ హెచ్డీ+డిస్ప్లే; పాప్ అప్ సెల్ఫీ కెమెరాతో ఫుల్ స్క్రీన్ అనుభవం.
కామన్ ఫీచర్స్
- క్వాల్కమ్ స్నాప్డ్రాగన్ 730 చిప్సెట్
- 4000 ఎంఏహెచ్ బ్యాటరీ
- 18 వాట్ ఫాస్ట్ ఛార్జింగ్ సపోర్ట్
- ఆప్టిమైజ్డ్ ఎంఐయూఐ 10 సాఫ్ట్వేర్
కెమెరాలు
- ట్రిపుల్ రియర్ కెమెరా సెటప్
- 48 ఎంపీ సోనీ ఐఎంఎక్స్ 582 సెన్సార్,
- 13 ఎంపీ వైడ్ యాంగిల్ సెన్సార్, 8 ఎంపీ టెలిఫోటో సెన్సార్
- 20 ఎంపీ సెల్ఫీ కెమెరా
రెడ్మీ కే30 స్పెక్స్
త్వరలో విడుదలకానున్న రెడ్మీ కే30 స్పెక్స్ అద్భుతంగా ఉన్నట్లు తెలుస్తోంది. అయితే దానిలో మైక్రో ఎస్డీ కార్డ్ స్లాట్ లేకపోవడం, ఛార్జింగ్ స్పీడ్ తక్కువగా ఉండటం ప్రధాన లోపంగా చెబుతున్నారు.
ఇదీ చూడండి: తమిళనాడు: జల్లికట్టు పోటీల్లో 700 బసవన్నలు సై
