ఉత్తర్ప్రదేశ్ ఫరూఖాబాద్లో 20 మంది చిన్నారులను నిర్బంధించి హల్చల్ సృష్టించిన దుండగుడు సుభాశ్ బాథమ్ భార్యపై స్థానికులు రాళ్ల దాడి చేశారు. ఈ ఘటనలో తీవ్రంగా గాయపడిన ఆమెను.. ఆసుపత్రికి తరలించగా చికిత్స పొందుతూ మృతి చెందినట్లు పోలీసులు తెలిపారు. ఘటనాస్థలం నుంచి తప్పించుకునేందుకు ప్రయత్నించిన క్రమంలో ఆగ్రహించిన ప్రజలు దాడికి పాల్పడినట్లు వెల్లడించారు. శవ పరీక్ష అనంతరం ఆమె మృతికి గల పూర్తి వివరాలు తెలుస్తాయన్నారు.
ఇదీ జరిగింది..
ఫరూఖాబాద్లోని కథారియా గ్రామంలో జన్మదిన వేడుకల పేరుతో 20 మంది చిన్నారులను పిలిచి వారిని ఓ ఇంట్లో నిర్బంధించాడు సుభాశ్ బాథమ్. ఈ విషయాన్ని తెలుసుకున్న స్థానికులు.. పోలీసులకు సమాచారం ఇచ్చారు. వెంటనే రంగంలోకి దిగిన అధికారులు సుభాశ్తో ఎన్నిసార్లు మాట్లాడాలని ప్రయత్నించినా.. వినకపోవటం వల్ల సుభాశ్ను హతమార్చి పిల్లలను రక్షించారు.
ఈ ఘటన తర్వాత గురువారం రాత్రివేళ నిందితుడు భార్య తప్పించుకోవాలని ప్రయత్నించింది. ఈ విషయాన్ని గమనించిన స్థానికులు ఆమెపై రాళ్లతో దాడి చేశారు.
