ریاستی سیکریٹریٹ نبنومیں مغربی بنگال کی وزیرا علیٰ ممتا بنرجی نے انڈسٹری ایسوسی ایشن کے ساتھ میٹنگ کی ہے۔میٹنگ کے دوران صنعت پر تو جہ دینے کی بات کی ہے ۔
وزیرا علیٰ نے کہا کہ چائے اسٹیٹ اور چائے باغات کو کھولنے کی اجازت ہوگی۔مگر انہیں 15فیصد ورک فورسیس کے ساتھ کام کرنے کی اجازت ہوگی اور معاشرتی دوری کو برقرار رکھنا ہی ہوگا۔
اس سے قبل مغربی بنگال کو مرکزی حکومت نے چائے باغات کو کھولنے کی اجازت دی جائے۔
ممتا بنرجی نے یہ مرکزی حکومت کی تجویز کو یہ کہتے ہوئے رد کردیا تھا کہ شمالی بنگال کے کئی اضلاع میں کورونا وائرس کاخطرہ ہے۔
ٹی بورڈ کے چیرمین پی کے بیز بوراہ نے کہا کہ چوںکہ یہ وقت بہت ہی اہم ہے۔لاک ڈاؤن کی وجہ سے شدید نقصان ہورہا ہے۔اگر کام کاج شروع نہیں کیا گیا تو 15فیصد پروڈکشن پر نقصان پہنچ سکتا ہے۔
اس کے علاوہ وزیرا علیٰ ممتا بنرجی نے کہا کہ ٹیکسی میں ڈرائیور کے علاوہ تین افراد کو سوار کرنے کی اجازت ہوگی۔یہ فیصلہ ریاست بھر میں ٹرانسپور ٹ میں لوڈنگ اور ان لوڈنگ کے پیش نظر کیا ہے۔
