ممتا بنرجی نے کہا کہ بی جے پی رہنماؤں کے ایک گروپ نے اس کی مخالفت کی ہے اور اس کا مقصد بنگال کو محروم کرنے کے علاوہ کچھ بھی نہیں ہے۔
ممتا بنرجی نے کہا کہ' میں 2003سے ہی کوشش کررہی ہوں مگر یہ نہیں ہوسکا ہے۔آخر بنگال کو کیوں محروم کیاگیا ہے۔ تمام زبانوں کا احترام کیا جانا چاہیے'۔
بی جے پی رہنماؤں کے ایک گروپ نے نام تبدیل کرنے کی تجویز کی مخالفت کی۔یہ سیاسی بنیاد پر کیاگیا ہے۔ہم نے اس سے متعلق ایک خط لکھاہے۔ مگر وزارت داخلہ سے اس سلسلے میں اب تک کوئی جواب نہیں آ یا ہے۔
خیال رہے کہ وزیر اعلیٰ ممتا بنرجی نے وزیرا عظم مودی کو خط لکھتے ہوئے کہا کہ مغربی بنگال کا نام تبدیل کرکے بنگلا کرنے کی تجویز کی تکنیکی ہے۔
انہوں نے وزیر اعظم سے قانونی ترمیم کرنے کیلئے پارلیمنٹ میں کارروائی کرنے کا مطالبہ کیا۔اس سلسلے میں جلد سے جلد کوئی قدم اٹھانے کی اپیل کی گئی ہے۔
گزشتہ روز بدھ کے دن پارلیمنٹ میں ایک سوال کے جواب میں نتیانند رائے نے کہا کہ نام تبدیل کرنے کا مسئلہ کوئی آسان نہیں ہے۔
یہ آئینی ترمیم کا متقاضی ہے اور تمام فیکٹر اور اسٹاک ہولڈر سے بات چیت کرنے کے بعد ہی کیا جاسکتا ہے۔
26 جولائی 2018 کو بنگال اسمبلی نے اتفاق رائے سے ریزولیشن پاس کر تے ہوئے بنگلہ، ہندی اور انگریزی میں مغر بی بنگال کانام تندیل کرکے بنگلہ میں کرنے کی تجویز وزارت داخلہ کو بھیجی تھی۔
