ریاست اترپردیش کے شہر ہردوئی میں انتظامیہ نے 2 اپریل کو سات لوگوں کو کورنٹائن میں رکھنے کا فیصلہ کیا تھا۔
تبلیغی جماعت کے پروگرام میں شرکت کرنے والوں افراد کی شناخت کرنے کے لیے ضلع انتظامیہ نے کارروائی کی تھی۔
اس سلسلے میں سندیلہ سے گیارہ لوگ اور بہانے سے چودہ لوگوں کو آئیسولیٹ کیا گیا تھا جس کے بعد خبر ملنے پر سات اور لوگوں کو آئیسولیٹ کرنے کا حکم دیا گیا ہے۔
دو اپریل کو چند لوگوں کے بلڈ سیمپل لکھنؤ بھیجے گئے تھے جس کے بعد آج کے جی ایم یو لکھنؤ سے سات لوگوں میں سے ایک شخص محمد عمر کی کورونا ٹیسٹ رپورٹ پازیٹیو آئی ہے۔
کورونا پازیٹیو رپورٹ آنے کے بعد علاقے میں سنسنی کا ماحول ہے۔
اے ڈی ایم سنجے کمار سنگھ نے بتایا کہ 'محمد عمر دادری میں جماعت میں شامل ہو کر پانچ روز پہلے ہی اپنے گھر آیا تھا۔'
اس کے بعد اس کو آئیسولیشن وارڈ میں ایڈمٹ کرایا گیا تھا۔ اب رپورٹ پازیٹیو آنے پر اس کا کورونا کا علاج شروع کردیا گیا ہے اور علاقے کو سینیٹائز کرانے کا کام تیزی سے شروع کر دیا گیا ہے۔
