ریاست اتر پردیش کے ضلع مرادآباد سوتنترتا سنگرام سینانی بھون میں بچوں کی تعلیم و تربیت، ان کی دیکھ بھال اور ان کے رہن سہن اور پہناوے پر خصوصی توجہ مرکوز کرنے کے لیے ایک سیمینار منعقد کیا گیا۔
سیمینار میں ہر مختلف مذاہب اور مکاتب فکر کے لوگوں نے شرکت کر کے بچوں کی تعلیم و تربیت پر اپنے قیمتی خیالات کا اظہار کیا۔
سیمینار کے دوران انل کمار جھا نے اسٹیج سے تقریر کرتے ہوئے کہا کہ آج کے اس تعلیمی دور میں اپنے بچوں کو اعلٰی تعلیم دلوانا ماں باپ کا اہم فریضہ ہے، تاہم بچوں کی تعلیم و تربیت اور ان کی پرورش پر ہر والدین کو خصوصی توجہ دینا چاہئے اور باریک بینی سے بچوں پر نطر رکھنا چاہئے۔
یہ بھی پڑھیں: بنارس: کانگریس رہنما کے اسلحہ کا لائسنس بحال کرنے کا مطالبہ
ہماری خصوصی توجہ ان چیزوں پر ہونی چاہئے کہ ہمارا بچہ کس طرح کی سوسائٹی میں بیٹھا ہے بچوں کو تعلیم کے ساتھ ساتھ انہیں کھیلوں سے بھی جوڑا جائے جس سے کہ دماغ تیز ہونے کے ساتھ ساتھ جسمانی کسرت بھی ہوتی رہے اور ہمیں اس بات کی طرف بھی متوجہ رہنا چاہیے کہ ہمارا بچہ کس کام یا کس کھیل میں دلچسپی رکھتا ہے۔
