یہ تمام مزدور ملک گیر لاک ڈاؤن کے دوران گذشتہ تین دنوں میں ریاست میں واپس آئے ہیں۔
انہوں نے مزید کہا کہ واپس آنے والے تمام افراد کے لئے میڈیکل چیک اپ ، کھانا اور رہائش کی تمام سہولیات حکومت کی جانب سے دی جا رہی ہے۔
انہوں نےمزدوروں کو ریاست میں واپس لانے کا یہ دوسرا مرحلہ قرار دیا ہے۔
انھوں نے کہا کہ اِس سے قبل 27 سے 29 مارچ کے درمیان ، 6.5 لاکھ سے زیادہ تارکین وطن مزدوروں کو واپس لایا گیا اور ان کے خوراک و معالجے کا انتظام کیا۔
دوسرے مرحلے میں ، اتر پردیش میں پچھلے تین دنوں میں 50،000 سے زیادہ مزدوروں کو واپس لایا گیا ہے۔
انہوں نے کہا کہ حال ہی میں واپس لائے گئے مزدوروں کو قرنطینہ مراکز میں لے جایا گیا تھا اور ان کی تمام ضروریات کا خیال رکھا گیا تھا۔ وزیر اعلی کے مطابق ، انتظامیہ نے اپنے گھروں کو واپس جانے کے لئے سہولیات بھی بنائیں۔
ریاست میں روزگار کے مواقع کے بارے میں بات کرتے ہوئے آدتیہ ناتھ نے کہا کہ اس وقت ریاست میں 14 لاکھ سے زیادہ کارکنان کو منریگا کے تحت ملازمت مل رہی ہے۔
انہوں نے یہ بھی کہا کہ معذور ، بزرگ شہریوں سمیت دیگر افراد کو دو ماہ کے لئے پیشگی پنشن دی گئی ہے۔
آدتیہ ناتھ نے حزب مخالف جماعتوں پر تنقید کرتے ہوئے الزام لگایا کہ وہ اپنے 'تنگ سیاسی' فوائد کی خاطر صورتحال کا غلط استعمال کرنے کی کوشش کر رہی ہیں۔
"یہ بدقسمتی کی بات ہے کہ کچھ لوگ اپنے تنگ سیاسی مقاصد کے لئے ملک کی کووڈ 19 کے خلاف مضبوط لڑائی کو کمزور کرنے کی کوشش کر رہے ہیں۔ عوام کو حقیقت معلوم ہے اور وہ آنے والے دنوں میں اس طرز عمل کا جواب دیں گے۔
لوگوں کو کووڈ 19 کے خلاف جنگ میں مرکز اور ریاستی حکومت کی حمایت کرنے کی اپیل کرتے ہوئے ، آدتیہ ناتھ نے انھیں آنے والے وقت میں ہر ممکن مدد کی یقین دہانی کرائی۔
یکم مئی کو جاری کردہ ایک آرڈر میں ، وزارت داخلہ (ایم ایچ اے) نے خصوصی ٹرینوں کے ذریعہ مختلف مقامات پر پھنسے مزدوروں ، سیاحوں ، طلباء اور دیگر افراد کی نقل و حرکت کی اجازت دی۔
