ریاست اتر پردیش کے نوئیڈا کرکٹ اسٹیڈیم سیکٹر 21 اے میں 300 کھلاڑیوں کا 'ورلڈ ڈس ایبلڈ (عالمی معذور)' ٹی 10 ٹرائل گزشتہ روز اختتام پذیر ہوا۔ عالمی معذور (ڈس ایبلڈ) ٹی 10 ٹرائل میں تقریباً 300 کھلاڑیوں نے حصہ لیا جن میں سے 50 کھلاڑیوں کا انتخاب کیا گیا۔ اسی دوران بھارت کے تیز ترین گیند باز کی تلاش بھی ختم ہوگئی۔
بھارت کی مختلف ریاستوں سے آئے ڈس ایبلڈ تیز گیند بازوں کا سلیکشن عمل میں آیا۔ اس درمیان 30 گیند بازوں کا انتخاب کیا گیا۔ جن میں 9 تیز گیند باز منتخب ہوئے۔
تیز گیند بازوں میں شاملی سے تعلق رکھنے والے تیز گیند باز محمد صادق کی رفتار سب سے نمایاں تھی۔ انہوں نے سب سے تیز رفتار 130 کلو میٹر اسپیڈ سے گیند ڈالی اور ڈس ایبلڈ میں بھارت کے تیز ترین گیند باز قرار پائے۔ دوسرے نمبر پر آگرہ کے اظہر رہے جنہوں نے 125 کی اسپیڈ سے گیند ڈالی۔
اس کے علاوہ راجستھان کے سریش اور اٹاوہ کے اومیش نے بھی 125 کی رفتار سے گیند بازی کی۔ آگرہ کے دیویندر اور اتل گوسوامی نے 120، بہار سے انور 118، دہلی کے موہت نے 115 اور چتر کوٹ کے یونس نے 110 کلو میٹر کی رفتار سے گیند بازی کی۔
یہ بھی پڑھیں: بارہمولہ: فوج کی جانب سے پیرا ایتھلیٹ کے لیے مقابلوں کا انعقاد
جھارکھنڈ کے سابق رنجی کھلاڑی معصوم رضا نے راجیو مشرا کی دیکھ بھال میں گیند بازوں کا انتخاب کیا۔ تمام منتخب گیند بازوں کا کیمپ پی سی ایل اسپورٹس کمپلیکس نوئیڈا میں رہے گا۔ دو روزہ کیمپ میں کرکٹ کی باریکیوں سے آگاہ کیا جائے گا۔
