اترپردیش میں پرتاپگڑھ ضلع کے تھانہ انتوں پولیس نے علاقے کے پارہ حمید پور شیورام پور میں آراضی کے تنازع میں چچا زاد بھائی کے قتل کے معاملے میں پانچ ملزمان کے خلاف معاملہ درج کیا ہے۔
ڈی ایس پی سٹی ابھے پانڈے نے بتایا '50 سالہ رماشنکر گپتا اور اس کے چچا زاد بھائی اویناش گپتا کا آراضی کا تنازع چل رہا تھا۔ مذکورہ آراضی پر رماشنکر نے چہار دیواری تعمیر کرکے ٹین کا شیڈ ڈال رکھا تھا۔ الزام ہے کہ ہفتہ کی تاخیر شب اویناش اپنے ساتھوں کے ساتھ گھر میں گھس کر چہاردیواری منہدم کرنے لگا تو رما شنکر نے مزاحمت کی جس پر اویناش اور اس کے ساتھیوں نے رماشنکر کو لاٹھی ڈنڈے سے مار کر شدید زخمی کر دیا'۔
شدید زخمی حالت میں رماشنکر کو علاج کے لیئے مقامی اسپتال لایا گیا جہاں ڈاکٹروں نے نازک حالت دیکھتے ہوئے اسے ایس آر این پریاگراج ریفر کر دیا لیکن اہل خانہ اس کو پی جی آئی لکھنو لے گئے جہاں علاج دوران اتوار کی شام اس کی موت ہوگئی۔
یہ بھی پڑھیے
بھارت میں شماریات کا قومی دن آج
ہلاک ہونے والے ڈاکٹر کے اہل خانہ کو ایک کروڑ کا معاوضہ
پولیس نے اویناش سمیت پانچ ملزمان کے خلاف قتل کا معاملہ درج کرلیا ہے۔
وقوعہ کی تحقیقات جاری ہے ۔
