غازی آباد کے لونی سے بی جے پی کے رکن اسمبلی نند کشور گرجر جو ہمیشہ خبروں میں رہتے ہیں ایک بار پھر تنازعات میں گھرے ہوئے ہیں۔ تنازعات میں پڑنے والے ایم ایل اے کی سب سے بڑی وجہ لونی بلدیہ صدر کے ذریعہ ریاست کے وزیر اعلی یوگی آدتیہ ناتھ کو لکھا ہوا خط ہے۔
وزیر اعلی کو لکھے گئے خط میں بی جے پی رہنما اور لونی میونسپلٹی کے صدر رنجیتہ دھاما نے بی جے پی کے رکن اسمبلی نند کشور گرجر کو پارٹی سے برخاست کرنے اور اسمبلی کی رکنیت منسوخ کرنے کا مطالبہ کیا ہے۔ بلدیہ صدر نے ایم ایل اے پر متعدد سنگین الزامات عائد کیے ہیں۔
وزیر اعلی کو بھیجے گئے خط میں، رنجیتہ دھاما نے لکھا ہے کہ مقامی ایم ایل اے نند کشور گرجر گزشتہ کئی برسوں سے ان کے شوہر منوج دھاما سے سیاسی منافرت رکھتے ہیں۔ پارٹی کے مخالفین کے ساتھ ساتھ کچھ سیاسی جماعتوں نے وزیر اعظم اور وزیر اعلی کی شبیہہ کو داغدار کرنے اور ذات پات کے مذہب کے بارے میں تبصرہ کرتے ہین تاکہ وہ خبروں میں بنے رہے۔
میونسپل صدر نے یہ بھی الزام لگایا ہے کہ ایم ایل اے کا تعلق گائے کے قاتلوں اور مجرموں سے ہے۔ وبا کے اس مرحلے میں وزیر اعظم اور وزیر اعلی کے ارادے کے مطابق ہزاروں غریب مزدوروں کو روزانہ کھانا کھلایا جا رہا ہے، لیکن اس میں بھی مداخلت کر رہے ہیں تاکہ وہ غریب طبقے کے لوگوں کو حکومت کے خلاف کر سکیں۔
ان تمام سنگین الزامات کو سامنے رکھتے ہوئے رنجیتہ دھاما نے بی جے پی کے رکن اسمبلی نند کشور گرجر کو برخاست کرنے کا مطالبہ کیا ہے۔
