ریاست اترپردیش کے ضلع گوتم بدھ نگر میں پولیس کی مشترکہ کارروائی میں پولیس اور انتظامیہ کی ٹیم نے 13 غیر قانونی کریشر مشینیں، 10 ڈمپرز، چار ہائیوا اور 2 ٹرک کے علاوہ ایک جے سی بی مشین اور دو جنریٹر بھی قبضے میں لے لیے ہیں۔
نوئیڈا میں غیر قانونی چلنے والے جے سی بی مشین اور ٹرک ضبط
ضلع گوتم بدھ نگر کے کوتوالی سیکٹر 39 کے ایس ایچ او آزاد سنگھ تومر کے مطابق، سیکٹر 94 میں شمشان گھاٹ کے قریب کچھ لوگ غیر قانونی طریقے سے این جی ٹی کی خلاف ورزی کرتے ہوئے اوکھلا بیراج چوکی علاقہ میں اسٹون کریشر چلا رہے تھے۔ اس دوران پولیس اور انتظامیہ کی مشترکہ ٹیم نے چھاپے مارے۔
کوتوالی انچارج آزاد سنگھ تومر کا مزید کہنا ہے کہ چھاپے کے دوران کسی کو گرفتار نہیں کیا گیا ہے۔ انتظامیہ کی جانب سے اس معاملے میں جرمانہ کی کارروائی کی گئی ہے۔ مقدمہ درج نہیں ہوا ہے۔ برآمد شدہ سامان قبضے میں لے لیا گیا ہے۔
