اترپردیش میں کانگریس نے کہا کہ یوگی راج میں مجرموں کے بڑھتے حوصلے اور پولیس اہلکاروں پر ہورہے حملے کے واقعات قانون و انتظام کی بدحال صورتحال بیاں کرنے کے لئے کافی ہیں۔
ریاستی کانگریس کے ترجمان اشوک سنگھ نے جمعرات کو کہا کہ قانو ن و انتظام و جرائم پر قابو پانے میں اترپردیش میں بی جے پی کی حکومت پوری طرح سے ناکام ثابت ہوچکی ہے۔ حکومت کے جرائم پر قابو پانے کے سبھی دعوے کو پولیس اہلکاروں کے قتل اور مجرموں کے بڑھتے حوصلے منہ چڑھا رہے ہیں۔
انہوں نے آگرہ میں پولیس سب انسپکٹر کے قتل پر تشویش اور رنج کا اظہار کرتے ہوئے کہا کہ اس سے پہلے انسپکٹر سبودھ کمار سنگھ کا قتل، بکرو واقعہ میں پولیس افسروں و پولیس اہلکاروں کے قتل کے بعد آگرہ کا واقعہ یہ ثابت کرنے کے لئے کافی ہے کہ یو پی میں اب قانون و انتظام باقی نہیں رہا۔ قانون و انتظام کی ذمہ داری اٹھانے والے پولیس دستے کی زندگی جب محفوظ نہیں رہی تو عام لوگوں کی حفاظت کی کیا حالت ہوگی یہ آسانی سے سمجھا جاسکتا ہے۔
یو این آئی
