ریاست اترپردیش کے وزیراعلیٰ یوگی آدتیہ ناتھ کو 112 سوشل میڈیا ڈسک کے واٹس ایپ نمبر پر وزیراعلیٰ کو بم سے اڑانے کی دھمکی دی گئی ہے۔
واضح رہے کہ اس کے ساتھ ہی اترپردیش کے 50 الگ، الگ علاقوں میں بم دھماکہ کی دھمکی دی گئی ہے۔
خیال رہے کہ سماجی سائٹ کے پیغام میں واضح طور پر کہا گیا ہے کہ 'ہم پورے اترپردیش میں دھماکہ کریں گے، اور سرکار دیکھتی رہ جائے گی'۔
اس پیغام کے بعد سے سی ایم ہاؤس کی سکیورٹی بڑھا دی گئی ہے اور ہر طرف تلاشی جاری ہے۔
قابل ذکر ہے کہ اس سے پہلے پانچ مئی کو بھی وزیراعلیٰ یوگی آدتیہ ناتھ کو بم دھماکے سے اڑانے کی دھمکی دی گئی تھی۔
اب دیکھنا ہوگا کہ پولیس کتنی جلدی اصل مجرم کو گرفتار کرتی ہے، پولیس تحقیقات کے بعد ہی یہ واضح ہوگا کہ اس کا اصل مجرم کون ہے؟
