ریاست اتر پردیش کے ضلع بارہ بنکی میں ملازمین کی تنظیم راجیہ کرمچاری سنیوکت پریشد کی اپیل پر ریاستی حکومت کے ملازمین نے یک روزہ احتجاج کیا۔
ریاستی حکومت کے ملازمین نے انتباہ دیا ہے کہ اگر ان کے 17 نکاتی مطالبات پر غور نہیں کیا گیا تو وہ احتجاج میں مزید شدت لائیں گے۔
ملازمین کا احتجاج
بارہ بنکی کے گنا دفتر میں مظاہرہ کر رہے ملازمین کا کہنا ہے کہ صرف ان ہی کے لیے نئی پینشن کا نظام کیوں نافذ کیا گیا ہے جب نئی پینش کا نظام اتنا بہتر ہے تو حکومت ایم پی، ایم ایل اے کے لیے یہ کیوں نہیں نافذ کررہی ہے۔
ریاستی حکومت کے ملازمین اپنی سہولیات میں تخفیف کیے جانے کے خلاف بھی احتجاج کررہے ہیں اور ساتھ ہی ریاستی حکومت کے ملازمین کو 50 برس کے بعد جبراً انہیں ملازمت سے برخاست کیے جانے کی بھی مخالفت کی ہے۔
