جامعتہ المؤمنات کے زیر اہتمام 8 اور 9 فروری کو دو روزہ خواتین کانفرنس کے سلسلے میں ڈپٹی مئیر گریٹر حیدرآباد میونسپل کارپوریشن بابا فصیح الدین نے اس عیدگاہ پہنچ کر انتظامات کا جائزہ لیا۔
جی ایچ ایم سی کے مختلف محکمہ جات انتظامات میں مصروف ہیں۔
کانفرنس کے انعقاد میں محض ایک دن کا وقت رہ گیا ہے لیکن اب تک برقی کا انتظام نہیں ہو پایا ہے جس کی وجہ سے منتظمین فکر مند ہیں۔
منتظمین نے ڈپٹی مئیر سے برقی کی فراہمی کی درخواست کی بابا فصیح الدین نے متعلقہ عہدیداروں سے بات کرتے ہوئے جلد از جلد برقی فراہمی کو یقینی بنانے کی ہدایت دی اور منتظمین کو تسلی دی کہ وقت پر تمام انتظامات کو یقینی بنایا جائے گا۔
یہ مذہبی کانفرنس ہے جس میں آندھرا پردیش، کرناٹک اور مہاراشٹرا سے خواتین اور مقررین شرکت کریں گے۔
منتظمین نے خواتین سے کثیر تعداد میں اس کانفرنس میں شرکت کرنے کی خواہش کی۔
