مقامی لوگوں کا الزام ہے کہ ریلوے تعمیراتی کمپنی افکان درھم کنڈ سے سمبڑ لنک روڈ پر نجی بس سروسز شروع کرنے میں رکاوٹیں ڈال رہی ہے۔
انہوں نے کہا کہ 'کمپنی کے منتظمین نے اے آر ٹی او کو تحریری طور پر شکایت کی تھی کہ زیر تعمیر ریلوے پروجیکٹ میں بھاری مشینری اور ڈمپر چل رہے ہیں جس سے مسافر بسوں کو خطرہ ہے جس پر اسسٹنٹ ریجنل ٹرانسپورٹ افسر رامبن نے کارروائی کرتے ہوئے گذشتہ روز بسوں کو ضبط کر لیا تھا۔
انہوں نے کہا کہ علاقہ کے غریب لوگوں سے سومو ڈرائیورز دگنا کرایہ وصول کرتے ہیں، اس سلسلے میں اے آر ٹی رامبن شفقت مجید نے کمپنی کی جانب سے شکایت موصول ہونے کی تصدیق کرتے ہوئے بتایا کہ دھرم کنڈ سمبڑ لنک روڈ کو محکمہ پی ڈبلیو ڈی نے پاس نہیں کیا ہے، یہ تعمیراتی کمپنیوں نے اپنے مشینری کے لیے تیار کیا ہے جس پر غیر قانونی طور پر دو مسافر بسیں چل رہی تھیں جن میں ایک کو سیل کر دیا گیا ہے۔'
مزید پڑھیں: قاضی گنڈ میں نوجوان کی لاش برآمد
انہوں نے کہا کہ 'اس سلسلے میں ضلع ترقیاتی کمشنر نے موقع پر ایک ٹیم روانہ کی ہے، اس کے بعد روڈ ٹرانسپورٹ کی بس سروسز یہاں شرروع کی جائے گی لیکن رابطہ سڑکوں پر مرمت کی ضرورت ہے'۔
