سرینگر: جموں و کشمیر نیشنل کنفرنس کے صدر و رکن پارلیمنٹ فاروق عبداللہ کا کہنا ہے کہ "کشمیر صوفی سنتوں کی سرزمین ہیں۔ ہماری قوم نے بہت ظلم دیکھے ہیں اور آج بھی دیکھ رہے ہیں۔ ظلم کرنے والے بھی اپنے ہیں، وہ باہر کے نہیں ہیں، وہی اپنے جنہوں نے ایسی حکمتوں کو اپنا ایمان بیچ دیا ہے، اُن کو یہ نہیں پتہ ہے کہ مرنے کے بعد اُن کے ساتھ کیا سلوک ہوگا۔" ڈاکٹر فاروق عبداللہ نے ان باتوں کا اظہار سرینگر کے چھتہ بل علاقے میں واقع زیارت سید محمد منطقی میں کیا۔
انہوں نے کہا کہ کشمیر صوفیوں سنتوں کی سرزمین ہے اور یہاں کی لوگوں پر پہلے بھی بہت سارے ظلم کیے گئے ہے اور آج بھی ہورہے ہیں۔ انہوں نے کہا کہ جو ظلم کرنے والے ہے وہ ہمارے ہی لوگ ہے۔ انہوں نے کہا کہ ان لوگوں نے اپنا ایمان بیچ کر اور اپنی کرسی کے خاطر یہاں ظلم کیے ہے۔
ڈاکٹر فاروق عبداللہ ہفتے کے روز پارٹی کے قداوار لیڈر خواجہ غلام محی الدین شاہ کی 18ویں برسی پر مرحوم کو خراج عقیدت پیش کرنے کے لیے چھتہ بل علاقے میں واقع زیارت سید محمد منطقی گئے تھے۔ ڈاکٹر فاروق عبداللہ نے مرحوم کے لیے خصوصی دعا بھی کی اور ان کی قبر پر گُل باری کی۔ اُن کے ہمراہ پارٹی کے جنرل سیکرٹری علی محمد صوبائی صدر ناصر اسلم وانی، سینیئر لیڈر عرفان احمد شاہ، شوکت احمد میر، سلمان علی ساگر اور دیگر لیڈران بھی موجود تھے۔
مزید پڑھیں:
