داؤدی بوہرہ سماج نے عیدالاضحیٰ منائی

ملک بھر میں آج داؤدی مسلم بوہرہ سماج نے عیدالاضحی کا جشن منایا اور اللہ کی راہ میں قربانی پیش کی۔ اجمیر شریف میں بھی مسلم بوہرہ سماج نے عید کی نماز ادا کی اور ایک دوسرے کو گلے لگا کر مبارکباد دی۔

اجمیر کے کاؤنٹس پورہ میں واقع طاہری مسجد میں عید کی نماز ادا کی گئی جہاں ملک کی ترقی اور امن امان کی دعا مانگی گئی۔ عید کی نماز مسجد کے امام حسین مسری نے ادا کرائی جہاں نمازیوں کو خطبہ میں نیک ہدایت اور پیغام اسلام کے ساتھ حضرت ابراہیم علیہ السلام کی حیات مبارکہ پر روشنی ڈالی گئی۔ مسجد پہنچے نمازیوں نے خاص طور سے ملک کی سلامتی اور اچھی بارش کی دعا کے ساتھ اپنی خوشیوں کو ایک دوسرے سے گلے مل کر منائی۔

اسی طرح اب اجمیر شریف درگاہ میں عید الاضحیٰ کی نماز بروز پیر صبح ادا کی جائےگی اور درگاہ کے جنتی دروازے کو بھی زائرین کے لیے کھول دیا جائے گا۔