گہلوت نے آج نئی دہلی میں نیتی کمیشن کی گورننگ کونسل کے 5 ویں اجلاس میں بارش کے پانی کے تحفظ، پینے کے پانی، زراعت، خشک سالی کا انتظام اور طبی سمیت ریاست کی ترقی سے متعلق مختلف اہم مسائل پر راجستھان کا موقف مضبوطی سے پیش کیا۔
انہوں نے آر سی پی کو جلد منظوری دینے کا مطالبہ کرتے ہوئے مودی کو راجستھان میں ایک جلسہ عام کے دوران اس منصوبے سے متعلق کیا گیا ان کا وعدہ یاد دلایا۔
اس وقت مودی نے یقین دہانی کرائی تھی کہ ان کی حکومت اس منصوبے پر سنجیدگی سے غور کر کے اسے جلد منظوری دے گی۔
گہلوت نے قومی دیہی پینے کے پانی کے پروگرام کے تحت رواں مالی سال کیلئے 370 کروڑ روپے کی پہلی قسط بھی جلد جاری کرنے کی اپیل کی۔
