ڈر کی وجہ سے بچے اسکول میں نہیں جارہے ہیں

ضلع پلوامہ کے وحکھ کاکاپورہ علاقے میں قائم گورنمنٹ بوائز پرائمری اسکول 2014 کے سیلاب نے شدید نقصان پہنچایا ہے۔

اب چار سال گزرنے جانے کے بعد بھی اس اسکول کی تجدید کاری نہیں کی گئی ہے، جس سے غریب عوام کے بچوں کو کافی مشکلات کا سامنا کرنا پڑتا ہے ۔
اس حوالے سے وہاں کے لوگوں سے جب ہم نے بات کی تو انہوں نے کہا کہ ہم مجبوراً اپنی بچوں کو پرائویٹ اسکول میں بھیج رہے ہیں۔

والدین کا کہنا ہے کہ سرکاری اسکول کی عمارت خستہ حالی کا شکار ہے ہمیں ڈر لگتا ہے کہ پتہ نہیں عمارت کب زمین بوس ہو جائے س لیے ہم بچوں کو اسکول نہیں بھیج رہے ہیں۔اگر حکومت اسکول کی تجدید کاری کرادیتی تو بچوں کا مستقبل تاریک ہونے سے بچ جاتا۔

اس مسئلے پر جب زونل پولنگ افسر محمد یاسن سے بات کی گئی تو ان کا کہنا تھا کہ ہم اس سال عمارت کو منہدم کر کے نئی عمارت تعمیر کروائیں گے۔

مرکز و ریاستی حکومت ہرفرد کو تعلیم سے آراستہ کرنا چاہتی ہے اس کے فروغ کے لئے کروڑوں روپے صرف کئے جاتے ہیں لیکن زمین سطح پر اس کا ثر دیکھنے کو نہیں مل رہا ہے۔