ترال میں ایک لاوارث لاش برآمد

بجہ ونی ترال میں پولیس کوایک لاش ملی ہے جسکی ابھی شناخت نہیں کی گئی ہے۔

اطلاعات کے مطابق جموں و کشمیر میں ضلع ترال کے بجہ ونی میں ایک نوجوان کی لاش برآمد ہوئی جس کے بعد مقامی لوگوں نے پولیس کو اس کی اطلاع دی۔ پولیس نے موقع پر پہنچ کر لاش کو پوسٹ مارٹم کےلیے منتقل کردیا۔

پولیس نے بتایا کہ بجہ ونی کے مقام پر لاوارث لاش برآمدہ ہوئی ہے۔ اس سلسلہ میں تحقیقات کی جارہی ہے۔ لاش کی شناخت کرنے کی کوشش کی جارہی ہے۔

اس سلسلہ میں ترال پولیس نے ایک کیس درج کر کے تحقیقات کا آغاز کردیا ہے۔