یاوتمال کے ڈسٹرکٹ کونسل چیف ایگزیکیٹو آفیسر شری کرشنا پنچال نے کہا کہ جن بچوں کو سانیٹائیزر کے قطرے ڈالے گئے وہ اب ٹھیک ہیں۔ انھوں نے کہا کہ اس غلطی کے ذمے دار تین اہلکار بشمول ہیلت ورکر اور آشا ورکر کو معطل کردیا جائے گا۔
انھوں نے کہا کہ 12 بچوں کو سانیٹائزر کے ڈراپز دیے گئے تاہم بچوں کی صحت اب ٹھیک ہے۔ انھوں نے کہا کہ اس معاملے میں تحقیقات جاری ہے۔
صدر جمہوریہ رام ناتھ کوند کی جانب سے 30 جنوری کو راشٹر پتی بھون میں پولیو ٹیکہ کاری مہم کے آغاز کے بعد یہ واقعہ پیش آیا۔
مرکزی وزارت صحت کے مطابق ، بھارت ایک دہائی سے پولیو سے پاک ہے۔ بھارت میں پولیو وائرس کا آخری کیس 13 جنوری 2011 کو درج ہوا تھا۔
تاہم، ملک پولیو وائرس کے دوبارہ داخلے کو روکنے کے لئے چوکس ہے کیونکہ پڑوسی ممالک افغانستان اور پاکستان میں پولیو بیماری کا سبب بنتا رہتا ہے۔
