ریاست مہاراشٹر کے ضلع اورنگ آباد میں بہوجن کرانتی مورچہ کی جانب سے شہریت ترمیم قانون اور این آر سی کے خلاف ریلی نکالی گئی
ڈی این اے کی بنیاد پر این آر سی کرانے کا مطالبہ
ریلی کا آغاذ ہرقل گیٹ سے شروع ہوکر ڈویژنل کمشنر آفس پہنچا، اس ریلی میں کثیر تعداد میں لوگوں نے شرکت کی۔
اس موقع پر مظاہرین نے مرکزی حکومت کی پالیسیوں پر شدید نکتہ چینی کی اور این آر سی کو فوری منسوخ کرنے کا مطالبہ کیا۔
مظاہرین نے ڈی این اے کی بنیاد پر این آر سی کرانے کا مطالبہ کیا ہے، اس ریلی کو شہر کی مسلم تنظیموں کی بھی حمایت حاصل ہوئی۔
مسلم نمائندہ کونسل کے صدر ضیاء الدین صدیقی نے کہا کہ این آر سی کی مخالفت کرنے والوں کی حمایت کا سلسلہ جاری رہے گا۔
