یہ ممبئی میں واقع ویسٹن نول کمانڈ کا آئی این ایس شکرا ہے جو کہ وسیع و عریض علاقہ میں پھیلا ہوا ہے، یہاں عام آدمی کی رسائی نہیں۔
ہر برس نیوی ویک کے دوران اسکول کے طلبہ و طالبات کو بحری فوج یہاں کی سیر کراتی ہے۔
نیوی کی وہ کاردکردگیاں جسے عام لوگ دیکھنے کے لیے ترس جاتے ہیں انہی کارکردگیوں سے ان بچوں کو روشناش کرانے کے لیے بحریہ خاص اہتمام کرتی ہے تاکہ ان بچوں میں اس محکمہ کے لیے اور ملک کی خدمات کرنے کا جذبہ دور پروان چڑھے۔
فضا میں پرواز کرنے والے ہیلی کاپٹر کو جب ان بچوں نے دیکھا تو ان کی خوشی کا ٹھکانہ ہی نہیں رہا۔
نیوی کے جوان ان بچوں کو فوج میں ہیلی کاپٹر کی اہمیت اور اس کی ضرورتوں کے بارے میں نا صرف تفصیل سے بتایا بلکہ ان کے سامنے کچھ نمونے بھی پیش کئے جس کے بعد ننھے بچوں نے اپنی خواہشات کا کھل کر اظہار کیا۔
ویسٹن نول کمانڈ کا صدر دفتر ممبئی میں واقع ہے، یہاں بحری فوج ہمہ وقت ملک اور سمندر کی حفاظت کے لیے تعینات رہتی ہے۔
ہر برس نیوی ویک کے موقع پر ملک کی عوام کے لیے جنگی بیڑے اور بحری فوج میں استعمال کیے جانے والے دوسرے سازو سامان کی نمائش ہوتی ہے جسے دیکھنے کے لیے لوگ پورے برس انتظار کرتے ہیں۔
