حکومت سازی کے لیے جاری چپلقش کے مابین شیوسینا، این سی پی اور کانگریس کے رہنما گورنر بھگت سنگھ کوشیاری سے ملاقات کرنے والے تھے لیکن انہوں نے یہ ملاقات ملتوی کر دی۔
شیو سینا رہنما ایکناتھ شند نےاس بابت کہا کہ 'تمام پارٹیوں کے لیڈروں کے ساتھ ساتھ ممبران اسمبلی مختلف اسباب کی بنا پر ممبئی نہیں پہنچ سکے جس کی وجہ سے گورنر سے ملاقات ملتوی کر دی گئی ہے۔
انہوں نے کہا کہ ممبران اسمبلی مہاراشٹر میں بے موسم بارش سے کسانوں کی خراب فصل کا اندازہ لگانے کا نظم کررہے ہیں اور اپنے انتخابی خرچ رپورٹ اور حلف نامے تیار کررہے ہیں جو الیکشن کمیشن کو پیش کرنا ہے اس لیے گورنر کے ساتھ ملاقات ملتوی کردی ہے۔
راج بھون کے ایک افسر نے کہا کہ بھگت سنگھ کوشیاری نے اکتوبر نومبر کے درمیان بے موسم بارش کی وجہ سے فصلوں کو ہونے والے نقصان کا جائزہ لیا اور ریاست میں کسانوں کے لیے سیلاب راحت پیکج کا اعلان کیا۔
