مصیبت اور آزمائش کی اس گھڑی میں نوجوانوں نے ایثار و قربانی کی عملی مثالیں پیش کیں۔
جو نوجوان رمضان کی آمد کے ساتھ ہی کپڑوں اور نت نئے فیشن کی تیاریاں کرتے تھے، اس مرتبہ ان نوجوانوں نے کوئی خریداری ہی نہیں کی بلکہ اس رقم سے غریبوں کی خوشیوں کو دوبالا کرنے کی کوشش کی۔
نوجوانوں نے کہیں کپڑے تقسیم کیے تو کہیں کھانا تقسیم کیا۔ اس کے ساتھ ہی سحر اور افطار میں بھی خود کی پرواہ کیے بغیر ضرورتمندوں اور مستحق افراد کے آنسو پونچھنے کی کوشش کی۔
اورنگ آباد شہر میں ہر گلی ہر چوراہے پر ایسے نظارے عام تھے۔
عید کے دن بھی نوجوانوں نے کچی بستیوں میں پہنچ کر مستحق افراد کو اپنی خوشیوں میں شامل کیا۔
نوجوانوں نے لاک ڈاؤن کو خدمت خلق کا سنہرا موقع جانا اور نہ صرف روزے داروں کا خیال رکھا بلکہ پریشان حال مزدوروں کی بھوک پیاس مٹانے کی بھی ہر ممکن کوشش کی۔
اس دوران سب سے اہم اور اطمینان کی بات یہ سامنے آئی کہ اہل خیر حضرات نے یہ تمام سرگرمیاں محض اللہ کی رضا کے لیے انجام دی اور اس بات کی ہر ممکن کوشش کی گئی کہ کسی غیور ضرورتمند کی انا کو ٹھیس نہ پہنچے۔ تاہم حکومت کی کوتاہی اور ناکامی بھی کھل کر سامنے آئی۔
تصویریں اس بات کی شاہد ہے کہ مصیبت کی اس گھڑی میں شہر کے نوجوانوں نے ذات، مذہب اور فرقہ بندی سے اوپر اٹھ کر صرف انسانی بنیادوں پر لوگوں کو راحت پہنچانے کی کوشش کی۔
