لیفٹیننٹ گورنر آر کے ماتھر نے پولیس یادگاری دن کے سلسلے میں منعقدہ ایک تقریب کے حاشئے پر میڈیا کو بتایا کہ پولیس یادگاری دن لداخ یونین ٹریٹری کے لیے ایک تاریخی دن ہے جس طرح پورے ملک میں پولیس فورس کی عزت افزائی اور حوصلہ افزائی کی جاتی ہے یہی کرنے کی یہاں ہر سال کوشش کی جاتی ہے'۔
موصوف نے کہا کہ یہ وزیر اعظم کا حکم بھی ہے اور ملک کا فیصلہ بھی ہے کہ ہمیں اپنے شہیدوں کو ہمیشہ یاد رکھنا چاہئے۔
انہوں نے مزید کہا کہ اس سال جو یہاں فہرست پڑھی گئی اس میں لداخ کے بھی پانچ شہید شامل ہیں اور ہمیں ان پانچوں کی عزت و حوصلہ افزائی کرنی چاہئے۔
بتادیں کہ 21 اکتوبر کو ملک بھر میں پولیس یادگاری دن منایا جاتا ہے۔ سال 1959 میں اسی روز لداخ میں چینی فوج کے ساتھ لڑائی کے دوران دس سی آر پی ایف اہکار ہلاک ہوئے تھے جن کی یادگار کے بطور یہ دن منایا جاتا ہے۔
