ضلع ترقیاتی کشمنر کپوارہ امام الدین نے افسران کی ٹیم کے ہمراہ کپوارہ ٹاؤن کی متعدد بازاروں کا معائنہ کیا جن میں اقبال مارکیٹ، بائی پاس مارکیٹ، بس اسٹینڈ، راجپورہ مارکیٹ، جامعہ مارکیٹ، اولڈ چوک وغیرہ شامل ہیں۔
انہوں نے اس دوران ماسک کا استعمال اور زمینی سطح پر معاشرتی فاصلے کو برقرار رکھنے سمیت کووڈ مناسب طرز عمل کے نفاذ کی تلقین کی۔
موقع پر موجود ڈپٹی کمشنر نے ماسک نہ پہننے پر کووڈ ایس او پیز کی خلاف ورزی کرنے والوں پر جرمانہ عائد کیا۔
فٹ پاتھز پر دکانداروں کی وجہ سے ہونے والی تجاوزات کا سنجیدہ نوٹس لیتے ہوئے ڈپٹی کمشنر کی سربراہی میں ٹیم نے تجاوزات کو ہٹانے کے لئے موقع پر ہی مختلف سامان تباہ کردیا۔ ڈپٹی کمشنر نے فٹ پاتھز پر اس طرح کے تجاوزات دہرانے پر دکاندار کو متنبہ کیا۔
اس موقع پر ڈپٹی کمشنر نے لوگوں کو COVID SOPs کی سختی سے پیروی کرنے، ماسک، صفائی ستھرائی کو اپنانے پر زور دیا۔
