کیرالہ: محکمہ آبکاری نے 150 کلوگرام گانجہ ضبط کیا

کیرالہ میں ملپ پورم کے نزدک ویندور میں محکمہ آبکاری کے افسران نے سنیچر کو تقریبا پچاس لاکھ روپے مالیت کا 150 کلوگرام گانجہ ضبط کیا اور اس سلسلے میں دو لوگوں کو گرفتار کیا گیا۔

محکمہ آبکاری کی انسداد منشیات برانچ نے ایک خفیہ اطلاع کی بنیاد پر کارروائی کرتے ہوئے ایک منی لاری کو روکا جس میں گانجہ لے جایاجارہا تھا۔

گاڑی میں اسٹیشنری کے سامان کے اندر گانجہ چھپاکر رکھا گیا تھا جسے آندھرا پردیش سے واجوکادو کے راستے لایا جارہا تھا۔

پولس نے حال ہی میں پیرنتل منا میں 300 کلوگرام گانجہ ضبط کیا تھا۔ اس سے پہلے محکمہ آبکاری کے افسران نے ایک کنٹینر میں رکھا تقریبا 400 کلوگرام گانجہ ضبط کیا تھا۔