کرناٹک میں گلبرگہ شہر کی قدیم مسجد گدائی کھاری باولی کمیٹی کے جانب سے مسجد کے مکانات کا تعمیری کام کیا جارہا ہے۔ اس کا سنگ بنیاد مجلس اتحاد مسلمین گلبرگہ شمال کے ایم ایل اے امیدوار الیاس سیٹھ نے رکھا۔ اس موقع پر انھوں مسجد کمیٹی کے ذمہ داران کو مبارک باد پیش کر تے ہوئے کہاکہ مساجد کی حفاظت اور ترقی کے لئے کام کرنا ہر ایک کی ذمہ داری ہے۔
الیاس سیٹھ نے کہا کہ اپنے علاقوں کے مساجد کو پوری طرح قانونی طور پر وقف بورڈ میں مساجد کے نام درج کرائیں۔ کیوں چند فرقہ پرست تنظیمیں کئ مساجد کو نقصان پہنچا نے کی کوشش کی ہے۔ اس لئے سب سے پہلے مساجدکی ملکیت کا پوری طرح سروے کراکر وقف بورڈ میں مساجد کا نام اور اس کی ساری تفصیل درج کریں۔ جس سے قانون کی نظر میں ہمیشہ کے لئے مسجد ہی رہے گی۔ اس جگہ کو مسجد کے سوا اور کسی کے لیے استعمال نہیں کیا جاسکتا۔ اور اس دوران انھوں نے تعمیری امداد کے لئے تعاون کر نے کی اپہل کی۔
