کشمیر جارہے ٹرک سے ہتھیار ضبط

جموں و کشمیر پولیس نے پنجاب سے کشمیر کی جانب جانے والے ایک ٹرک سے ہتھیار ضبط کرنے کا دعویٰ کیا ہے۔

اس ٹرک کو جموں صوبے کے کٹھوعہ ضلع میں لکھن پور کے مقام پر تلاشی کے دوران ضبط کیا گیا جب یہ جموں و کشمیر کی حدود میں داخل ہورہا تھا۔

ذرائع کے مطابق ٹرک کا رجسٹریشن نمبر جنوبی کشمیر کے پلوامہ ضلع کا ہے۔پولیس نے ٹرک کے ڈرائیور اور کنڈکٹر کو پوچھ تاچھ کیلئے حراست میں لیا ہے۔ پولیس نے ٹرک سے ہتھیار برآمد کرنے کا دعوی کیا ہے۔

اس بارے میں کٹھوعہ کے ایس ایس پی، میڈیا کو بعد دوپہر مزید تفصیلات دیں گے۔