ڈوگری ادب کو بلندیوں کی طرف لے جانے کے لیے جموں میں 'ماں دا قرض' کے نام سے ایک کتاب شائع کی گئی، مصنف سدرشن کمار شرما نے تقریباً 35 نظمیں اس کتاب میں لکھی ہیں۔
ماں دا قرض کتاب کو سرو بھاشا ٹرسٹ نئی دہلی کی جانب سے شائع کیا گیا ہے، 104 صفحات پر مبنی اس کتاب نے ڈوگری ادب کو مزید فروغ دی ہے۔
جموں میں بک لانچ کے دوران متعدد اعلی شخصیات موجود تھیں، جن میں ڈسٹرکٹ انسٹی ٹیوٹ آف ایجوکیش ٹریننگ، جموں کے 'ایچ اور ڈی' این پی سنگھ مہمان خصوصی رہے۔
این پی سنگھ نے اپنے خطاب میں کہا کہ سدرشن کمار نے اعلی معیار کی کتاب لکھ کر ڈوگری ادب میں نادر کامیابی حاصل کی ہے۔
انہوں نے کہا 'محکمہ اسکول ایجوکیشن میں کیمسٹری میں سینئر لیکچرر ہونے کے باوجود انہوں نے اس تخلیقی سرگرمی کے لئے وقت تلاش کیا اور یہ کتاب مکمل کی'۔
یہ بھی پڑھیے
پیپلز کانفرنس کا گپکار الائنس کو الوادع
انہوں نے کہا کہ سدرشن شرما ڈوگری کے ان مفید مصنفین میں سے ہیں، جو ڈوگری ادب میں ایک اہم رول ادا کررہے ہیں۔
تقریب کے دوران سدرشن کمار نے ماں دا قرض کتاب میں لکھی ہوئی اپنی نظموں کو پڑھا، جنہیں سن کر تقریب میں شامل معززین نے انہیں سراہا۔
