تین برس کی بچی کے ساتھ جنسی زیادتی

کٹھوعہ کے صنعتی علاقے میں ساڑھے 3 برس کی بچی کے ساتھ جنسی زیادتی کا معاملہ پیش آیا ہے۔

جموں و کشمیر میں کٹھوعہ کے مرولی گاؤں کے قریب صنعتی علاقے میں ایک 20 سالہ نوجوان نے ساڑھے 3 برس کی بچی کے ساتھ جنسی زیادتی کی۔

اس معاملے کے بعد مقامی لوگوں نے بچی کو کٹھوعہ میڈیکل کالج داخل کرایا جہاں پر اس کا علاج جاری ہے ۔

صحافیوں سے گفتگو کرتے ہوئے بچی کے والد نے اس معاملے سے متعلق مکمل معلومات دی، جس کے بعد پولیس نے اس معاملے کو درج کرکے آگے کی کارروائی شروع کر دی ہے۔