'کشتواڑ میں اسکول بغیر رجسٹریشن کے جاری'

ریاست جموں و کشمیر کے ضلع کشتواڑ میں سماجی کارکن فدا حسین نے کہا کہ کہ ' اسمبلی حلقہ اندروال کے ٹھاکرائی بلاک میں چند افراد نے بنا رجسٹریشن کے پرائیویٹ اسکول کھولے ہوئے ہیں جو کہ غیر قانونی ہے۔'

فدا حسین نے کہا کہ اس بارے میں کئی دفعہ ضلع کے چیف ایجوکیشن آفیسر کے پاس جا کر درخواست بھی دی پر ابھی تک کوئی بھی کارروائی نہیں کی گئی۔

لہذا ہم میڈیا کے ذریعہ سے ڈپٹی کمشنر کشتواڑ رنگریز سنگھ رانا سے پر زور مانگ کرتے ہیں کہ غیر قانونی اسکولوں کے خلاف کارروائی عمل میں لائی جائے۔

اس معاملے میں جب ای ٹی وی بھارت کے نمائندے نے چیف ایجوکیشن آفیسر کشتواڑ کلدیپ شرما سے گفتگو کی تو انہوں نے کہا چیف کہ ٹھاکرائی میں غیر قانونی اسکولوں کے خلاف سخت سے سخت کارووائی عمل میں لائی جا رہی ہے اور ان سکولوں کو جلد بند کیا جائے گا۔