'اگلے تین ماہ تک لونز پر ای ایم آئی نہیں'

جموں و کشمیر بینک  نے کورونا وائرس وبا کے پیش نظر آئندہ تین ماہ تک تمام قرضوں پر ای ایم آٗئی نہیں کاٹنے کا فیصلہ کیا ہے۔

ریزرو بینک آف انڈیا کی جانب سے آج صبح جاری کردہ ہدایت پر عمل کرتے ہوئے جموں و کشمیر بینک نے یہ فیصلہ لیا ہے۔ اس فیصلے کو جموں و کشمیر کے عوام کے لئے ایک بڑی راحت قرار دیتے ہوئے جموں و کشمیر بینک کے چیئرمین اور منیجنگ ڈائریکٹر (سی ایم ڈی) آر کے چھبر نے کہا کہ 'بینک آر بی آئی کے ہدایات کے مطابق عمل درآمد کرے گا۔'

انہوں نے کہا کہ جموں و کشمیر میں آر بی آئی کی ہدایت پر پوری طرح عمل درآمد کیا جائے گا۔ جے اینڈ کے بینک کے مستحقین کو اگلے تین ماہ تک کوئی ای ایم آئی ادائیگی نہیں ہوگی۔'