پانپور میں برف ہٹانے کا کام جاری

وادی کشمیر میں بھاری برفباری جاری ہے جس کی وجہ سے بیشتر سڑکوں پر کئی فٹ برف جمع ہو گئی ہیں جسے میونسپل عملہ ہٹانے میں مصروف ہے۔

جنوبی کشمیر کے ضلع پلوامہ کے قصبہ پانپور کے تمام گلی کوچوں کے علاوہ قصبہ کے دوردراز علاقوں کی سڑکوں سے برف ہٹانے کا کام جاری ہے۔

ضلع پلوامہ کے قصبہ پانپور کی میونسپل کمیٹی کے افسروں اور اہلکاروں کی جانب سے پانپور کے علاوہ قصبہ کے دوردراز علاقوں میں بھی برف ہٹانے کا کام شدومد سے جاری ہے۔

میونسپل کمیٹی نے مشینری کے علاوہ اپنے اہلکاروں کو بھی کام پر لگا رکھا ہے تاکہ لوگوں کو مشکلات کا سامنا نہ کرنا پڑے۔

میونسپل کمیٹی کے ایک افسر نے ای ٹی وی بھارت کے ساتھ بات کرتے ہوئے کہا ہے کہ 'موسمی حالات کے بارے میں جانکاری حاصل ہونے کے بعد سے تمام تیاری کر لی گئی تھی اور جوں ہی وادی میں برفباری شروع ہوٸی تو انہوں نے پہلے ان سڑکوں سے برف ہٹانے کا کام شروع کیا جہاں لوگوں کو آنے جانے کے لیے زیادہ ضرورت پڑتی ہے۔'

انہوں نے کہا کہ 'اس کے بعد انہوں نے قصبہ پانپور کی تمام سڑکوں اور گلی کوچوں سے برف ہٹایا اور اپنے کام کو آج صبح سویرے سے ہی جاری رکھتے ہوئے تمام دوردراز علاقوں سے بھی برف ہٹانے کا کام شروع کیا ہے۔'

افسر کے مطابق ابھی تک قصبہ پانپور کے بیشتر راستوں اور گلی کوچوں کے علاوہ مضافاتی گاوں سے بھی برف صاف کیا گیا ہے۔

افسر نے لوگوں سے اپیل کی ہے کہ اگر انہیں کسی طرح کی مشکلات درپیش آئے تو وہ ان سے فوری رابطہ کریں۔