کسی بھی ممکنہ خطرے سے نمٹنے کے لیے انتظامیہ کی جانب سے سخت حفاظتی انتظامات کیے گئے ہیں تاکہ یاترا کو کسی بھی قسم کا نقصان نہ ہونے پائے۔
ریاست جموں و کشمیر کے ریاست کے پولیس سربراہ دلباغ سنگھ نے کہا ہے کہ کسی بھی نامساعد حالت سے نمٹنے کے لیے انتظامیہ الرٹ ہے۔
سری نگر میں ہڑتال کی کال، انتظامیہ الرٹ
ہڑتال کے پیش نظر ریاستی سرکار نے کشمیر کے جنوبی اضلاع میں انٹرنیٹ خدمات اتوار کی صبح سے ہی بند کر دئے ہیں اور حساس مقامات پر حفاظتی دستے بڑھادیے گئے ہیں۔
دلباغ سنگھ نے کہا کہ پولیس نے حالات کو قابو اور پرُ امن رکھنے کیلئے ضرورت کے مطابق اقدامات کئے ہیں۔
انہوں نے اطمینان کا اظہار کرتے ہوئے کہا کہ 'ریاستی عوام پولیس کا بخوبی تعاون دیتے ہیں اور ریاست کے پر امن حالات میں ان کا ساتھ بھی ضروری ہے'۔
انہوں نے مزید کہا کہ پیر کو امرناتھ یاتریوں کی آمد و رفت پر کوئی پابندی عائد نہیں کی جائے گی۔
